पालघर शहरात करोना विरुध्द जनजागृती करीत, नगराध्यक्षा व्दारा मास्क वाटप
पालघर ( हिरालाल लोखंडे ) दोन वर्षा पासून सुरू असलेल्या करोना रूपी महामारीच्या, पहिल्या लाटे नंतर लोक सावध होत असताना, करोना विरूध्द लढण्यासाठी करोनाच्या नियमांचे स्वतः पालन करून इतरांनाही पालन करण्यासाठी, समजवू सांगत असतानाच, करोनाच्या दुसर्या लाटेची सुरवात झाली. स्थानिक प्रशासन पोलीस, प्राथमिक आरोग्य केंद्र, डॉक्टर, नर्स,आशा वर्कर्स, अंगणवाडी सेविका, सेवाभावी पणे सेवा देणारे खाजगी डॉक्टर यांच्या अथांग प्रयत्नातून, करोना महामारी आता थोडीशी कमी झालेली आहे.
आपणास अजुनही काही दिवस तरी, करोना तिसरी लाट येऊ नये म्हणून व तिला थोपवून ठेवण्यासाठी, आपल्या सर्वांनाच खबरदारी घेतली पाहीजे व ती घेणे फारच गरजेचे आहे. विशेषतः १८ वर्ष पेक्षा कमी वयाच्या तरूण वर्गाला व लहान मुलांना करोना प्रतिबंधक लस दिलेली नाही. त्यांना / त्यांची सर्वात जास्त खबरदारी घेणे जरूरीचे आहे.
याकरिता डॉक्टर सौ. उज्ज्वला काळे - पालघर नगराध्यक्षा. श्री केदार काळे - पालघर सांस्कृतिक मित्रमंडळचे अध्यक्ष. यांनी दिनांक २० आॅगस्ट २०२१ रोजी पालघर शहरात अंदाजे १००००/ अक्षरी दहा हजार पेक्षाही जास्त मास्क वाटप करण्याचा संकल्प आहे. तरीही जनतेने पुढीलप्रमाणे काळजी घ्यावी असे आवाहन डाॅक्टर सौ. उज्ज्वला काळे यांनी केले आहे.
१) सार्वजनिक ठिकाणी जाताना मास्कचा वापर करावा. २) गर्दी टाळावी. ३) सोशल डिस्टेशन ( अंतर ) पाळावे. ४) सतत साबणाने हात धुणे किंवा स्यानिटायझर चा वापर करावा. ५) घरी गेल्यानंतर वाफ घ्यावी. ६) १८ वर्षावरील लोकांनी करोना प्रतिबंधक लस घेणे आवश्यक आहे. ७) आपली रोगप्रतिबंधक शक्ती वाढविण्यासाठी ताजे व सकस जीवनसत्त्व युक्त अन्न खावे. ८) करोना सदृश लक्षणे आढळल्यास त्वरित करोना चाचणी करून घ्यावी किंवा जवळच्या प्राथमिक आरोग्य केंद्र डाॅक्टर / डाॅक्टर यांना भेटावे. वरिल सुचना करोना प्रतिबंधक लस घेतलेली असली तरीही पाळाव्या.
करोना व लाॅकडाऊन यामुळे आपला रोजगार बुडाला आहे, परत लाॅकडाऊन व रोजगार बुडू नये म्हणून काळजी घ्यावी असे श्री केदार काळे यांचे जनतेला सांगणे आहे.
No comments:
Post a Comment