खैर तस्करांची स्कॉर्पिओ जप्त !
२ लाख ७५ हजार रूपयांचा मुद्दे माल जमा.
वाडा -- हिरालाल लोखंडे -- दिनांक ०६ फेब्रुवारी २०२१ रोजी भल्या पहाटेसुर्योदया पुर्वी सुमारे ३ ते ३-३० दरम्यान, बाणगाव तालुका वाडा जिल्हा पालघर येथील वनाधिकारी व कर्मचारी रात्रीच्या गस्तीवर असताना, गारगोटा गावाच्या हद्दीत एक स्कॉर्पिओ गाडी संशयित रित्या जाताना आढळून आली असता, वनविभाग अधिकारी व कर्मचारी यांनी गाडीला चहुबाजूने घेरले व थांबवले असता, अंधाराचा फायदा घेत गाडी चालक व गाडीत असलेल्या इतर व्यक्ती फरार झाले, गाडीची झाडा- झडती घेतली असता एम.एच.०२ ए पी. ८६८० या स्कॉर्पिओ गाडीमध्ये खैर प्रजातीचे ओंडके विस नग, अंदाजे १.०२२ घनमीटर आकाराची खैराचे लाकूड मिळून आले आहे. या मुद्दे मालाची किंमत अंदाजे २५०००/-₹, अक्षरी पंचवीस हजार रूपये व गाडीची किंमत २,५००००/- ₹, अक्षरी दोन लाख पन्नास हजार रूपये असा एकूण २,७५,००००/- ₹, अक्षरी दोन लाख पंच्याहत्तर हजार रूपये किंमतीचा मुद्देमाल जप्त करण्यात आला असून वरिष्ठ अधिकारी यांच्या मार्गदर्शनाखाली पुढील तपास सुरू आहे.
वरील कारवाई श्री एच, व्हि, साफळे वनक्षेत्रपाल वाडा ( पश्चिम ) यांच्या मार्गदर्शनाखाली श्री एस. बी. ठाकरे यांच्या पथकाने श्री जाधव - वनपाल, वनरक्षक केंद्रे, मोहीती,करगुंडे,निकम,नदाब,सपकाळ,सोनवणे, वाहनचालक - आकारे यांच्या सौजन्याने हि कारवाई करण्यात आली आहे.
No comments:
Post a Comment