सफाळे पोलीस स्टेशन व्दारा विधीश राऊत यांच्या सन्मानित
सफाळे ( हिरालाल लोखंडे ) ग्रामीण शिक्षण संस्था सफाळे यांच्या शाळेत इयत्ता ४ थी मधे शिक्षण घेत असलेला विधीश जयेश राऊत वय वर्ष १० राहणार सफाळे, यांने मार्गदर्शन, दररोज सराव, स्वयंम कौशल्य यावर राष्ट्रीय योगासन स्पर्धेत तृतीय क्रमांक मिळवून आपल्या शाळेचे व जन्मदाते राऊत कुटुंबाचे नाव पंचक्रोशीत उज्ज्वल केले आहे.
ग्रामीण भागात राहत असल्याने आधुनिक सुविधा उपल्ब्ध नसताना, अॅडव्हेंचर समर कॅप मधील शिक्षक यांनी विधीश यांचे कौशल्य गुण ओळखले, व त्याच्या मातापिता यांच्याशी संपर्क साधुन योग्य मार्गदर्शन करण्यासाठी सल्ला दिला. पालकांनी प्रोत्साहन पर सहमती दर्शवली.
जिल्हा योग संघटनेच्या उपाध्यक्षा सुचिता ठाकुर यांनी विधीशला प्रोत्साहन देऊन, त्याच्या कडून ३२ व्या राष्ट्रीय योगासन स्पर्धेत उल्लेखनीय कामगिरी करवून घेतली, राज्य, जिल्हा, मुंबई उपनगर, कलाक्रीडा महोत्सव अशा विविध पातळीवर विधीशने आपल्या कलागुणांचा ठसा उमटवून अनेक पारितोषिके, प्रशस्तीपत्र मिळावीत आहे. अश्याकलागुण बाळाचे सफाळे पोलीस स्टेशनचे प्रभावी अधिकारी श्री संदीप कहाळे साहेब, कर्मचारी यांच्या हस्ते शाल व स्मृती चिन्ह देऊन सत्कार करण्यात आला.मुलांचेपालक यांनी मुलाच्या कौतुक समारंभात सहभागी होऊन कहाळे साहेब व कर्मचारी यांचे आभार मानले.
No comments:
Post a Comment