इ.1ली ते 12वी मधील विद्यार्थ्यांचे आधार नोंदणी व अद्यावतीकरणाचे काम
31 मार्च 2021 पर्यंत पुर्ण करण्याचे पालकांना आवाहन.
पालघर(प्रतिनिधी) दि. 22 :- शालेय शिक्षण व क्रीडा विभाग शासन परिपत्रक क्र.संकीर्ण-2018/प्र.क्र.244/भाग-2/एस.डी.1 दि.29/09/2020. नुसार पालघर जिल्ह्यातील शिक्षण विभाग प्राथमिक व माध्यमिक अंतर्गत सर्व माध्यमाच्या व सर्व व्यवस्थापनाच्या शाळांमधील इ.1ली ते 12 वी मधील विद्यार्थ्यांचे आधार नोंदणी करणे व अद्यावतीकरणाचे काम पूर्ण करून संबधित विद्यार्थ्यांचे आधार क्रमांक सरल प्रणालीमध्ये नोंदवून त्याची खात्री करणे आवश्यक आहे. विद्यार्थ्याचे आधार नोंदणी व अद्यावतीकरणाचे काम करण्यासाठी प्रत्येक गटसाधन केंद्रावर दोन याप्रमाणे एकूण 16 आधार नोंदणी संच (Aadhar Enrollment Kit) उपलब्ध करून देण्यात आले आहे. सदर आधार नोंदणी संचाद्वारे विद्यार्थ्यांची आधार नोंदणी व अद्यावतीकरणाचे कामकाज करण्यासाठी आधार ऑपेरेटरची सेवा शासन स्तरावरून त्रयस्थ संस्थेमार्फत उपलब्ध करून घेण्यात आली आहे त्यानुसार प्रायोगिक तत्वावर पालघर आणि वसई तालुक्यांची निवड केलेली आहे व या तालुक्यामध्ये प्रत्येकी दोन याप्रमाणे चार आधार ऑपेरेटर देण्यात आलेले आहेत. संबधित तालुक्यातील गटशिक्षणाधिकारी हे नोडल ऑफिसर असल्याने आपल्या तालुक्यातील सर्व माध्यमाच्या व सर्व व्यवस्थापनाच्या शाळांमधील इ.1ली ते 12 वी मधील सर्व विद्यार्थ्यांचे आधार नोंदणी करणेचे काम 100% पूर्णपणे विनामुल्य करावयाचे आहे. तसेच उर्वरित गटशिक्षणाधिकारी यांनी विद्यार्थ्यांची आधार नोंदणी बाबतचे पूर्व तयारी व नियोजन करावे.
जिल्हा परिषद अध्यक्ष भारती कामडी, जिल्हा परिषद उपाध्यक्ष निलेश सांबरे, व मुख्य कार्यकारी अधिकारी सिद्धाराम सालीमठ पालघर जिल्ह्यातील सर्व पालकांना आवाहन करतात कि, इ.1ली ते इ. 12 वी मध्ये शिक्षण घेणाऱ्या ज्या बालकांचे आधारकार्ड काढलेले नाहीत किंवा आधारकार्डमध्ये चुका किंवा बदल (नाव, जन्मतारीख, लिंग) असल्यास दुरुस्ती करण्यासाठी विद्यार्थ्यांचे आधार नोंदणी व अद्ययावतीकरणाचे काम संबधित शाळेच्या मुख्याध्यापकांनी दिलेल्या वेळापत्रकानुसार संपर्क साधून करावे.
***********
No comments:
Post a Comment