*मुख्य कार्यकारी अधिकाऱ्यांनी घेतला रोजगार हमी योजनेच्या कामाचा आढावा*

*मुख्य कार्यकारी अधिकाऱ्यांनी घेतला रोजगार हमी योजनेच्या कामाचा आढावा*

   पालघर (निलेश भोईर) मुख्य कार्यकारी अधिकारी, जिल्हा परिषद पालघर, सिद्धाराम सालीमठ यांच्या

अध्यक्षतेखाली दि.२१/१०/२०२० रोजी महात्मा गांधी राष्ट्रीय ग्रामीण रोजगार हमी योजना आढावा बैठक पार पडली.विक्रमगड व तलासरी तालुक्यातील कामांचा आढावा यावेळी  घेण्यात आला.

सदर आढावा बैठकीमध्ये सन २०२०.२१ च्या मंजूर आराखड्यातील प्रलंबित कामांचा शेल्फ तयार करून त्यावर किती मनुष्य दिवस

निर्मिती करता येईल किती मजुरांना किती दिवस काम देता येईल या बाबत

ग्रामपंचायत निह्मय आढावा घेतला.तसेच सन २०२०-२१ या आर्थिक वर्षातील

पुरवणी आराखडा व सन २०२१-२०२२ या आर्थिक वर्षाचे नियोजन आराखडा

बाबत शासन वेळापत्रकांना केलेल्या कार्यवाहीचा आढावा घेतला.

ग्रामपंचायत स्तरावर मोठ्या प्रमाणात कामे सुरू करून मजुरांना

स्थानिक पातळीवर रोजगार उपलब्ध करून देण्यात येउन कोणताही मजुर

स्थलांतर होणार नाही, अशा गामपंचायतीना सूचना देण्यात आल्या. 

ग्रामपंचायत यंत्रणाकडील अपूर्ण कामे तात्काळ पुर्ण करण्या बाबत  मा.मुख्य

कार्यकारी अधिकारी,जिल्हा परिषद पालघर यांनी सूचना दिल्या.

सदर आढावा बैठकीस  उपजिल्हाधिकारी, नायब तहसीलदार,  उपमुख्य कार्यकारी अधिकारी, (ग्रामपंचायत विभाग),  तहसील कार्यालय विक्रमगड,  गट विकास अधिकारी, सहा. गटविकास अधिकारी, खाते प्रमुख, अधिकारी व कर्मचारी उपस्थित होते.