तंबाखू मुक्त शाळा, वेवजी - सिगलपाडा ता, तलासरी

तंबाखू मुक्त शाळा, 

वेवजी - सिगलपाडा ता, तलासरी  ( हिरालाल लोखंडे ) 

सलाम मुंबई फाउंडेशन व नशाबंदी मंडळ महाराष्ट्र राज्य यांच्या संयुक्त विद्यमाने " तंबाखू मुक्त शाळा " अभियान राबवलेले, या करीता पालघर जिल्ह्यातील सर्व मुख्याध्यापक वर्गाची आॅन लाईन कार्यशाळा घेण्यात आलेली असताना, सौ लता सानप जिल्हा परिषद प्राथमिक शाळा, शिक्षण अधिकारी,यांनी पालघर जिल्ह्यातील सर्व तालुक्यातील गट शिक्षण अधिकारी, गट विकास अधिकारी, व शिक्षण विभागातील प्रमुख अधिकारी वर्ग यांना आपल्या   जिल्ह्यातील सर्व प्राथमिक शाळा " तंबाखू मुक्त " करण्यासाठी आवाहन करण्यात आलेले,                                    

                                          तलासरी पंचायत समिती अंतर्गत जिल्हा परिषद येथील                                                 गट शिक्षण अधिकारी श्री कमलाकर सुतार, विस्तार अधिकारी श्री दामोदर चाबके,वे़वजी केंद्र प्रमुख श्री संजय चौगुले यांच्या मार्गदर्शनाखाली वेवजी सिगलपाडा शाळा तालुका तलासरी शाळेतील मुख्याध्यापिका संगीता चिखलकर, उपशिक्षक श्री लक्ष्मण ननवरे, शाळा व्यवस्थापन समिती, ग्रामपंचायत वेवजी, शिक्षक गण, पालक, विद्यार्थी यांनी तंबाखू नियंत्रणासाठी तंबाखू मुक्तता शपथ घेऊन शाळेच्या १०० मीटर परिसरात तंबाखू विक्री, सेवन करणार्यावर दंड आकारण्यात येईल असे सांगून, व शाळेच्या १०० मिटर पर्यंतच्या परिसरात पिवळ्या रंगाने रेखांकन करून तेथे " तंबाखू मुक्त क्षेत्र " लिहिले, जाहिर केले. 

             सलाम मुंबई फाउंडेशन, नशाबंदी मंडळ महाराष्ट्र राज्य यांच्या वतीने श्री मिलींद रूपचंद पाटील - पालघर जिल्हा संघटक यांनी तलासरी तालुक्यातील दूसरी व वेवजी केंद्रातील पहिला, " तंबाखू मुक्त शाळा " घोषित केली. 

     सलाम मुंबई फाउंडेशन व नशाबंदी मंडळ महाराष्ट्र राज्य यांच्या वतीने संपूर्ण जिल्ह्यातील जिल्हा परिषद शाळा, खाजगी शाळा, महाविद्यालये तंबाखू मुक्त अभियान राबविण्यात येत आहे.  श्री राहुल म्हात्रे गट विकास अधिकारी तलासरी यांनी श्री लक्ष्मण ननवरे व त्यांचे सहकारी शिक्षक, विद्यार्थी, पालक वर्ग यांनी एकत्र येऊन तंबाखू मुक्त शाळा व परिसर कार्याबद्दल अभिनंदन केले.