*८९२ वैयक्तिक वनपट्ट्यांना मंजुरी*

*८९२ वैयक्तिक  वनपट्ट्यांना  मंजुरी*  

 प्रतिनिधी:-पालघर जिल्हयामध्ये अनुसूचित जमाती व इतर पारंपारिक वननिवासी (वनहक्काची मान्यता)*अधिनियम २००६, नियम २००८  नियम व सुधारीत नियम २०१२ च्या

अंमलबजावणीच्या अनुषंगाने जिल्हास्तरीय वनहक्क समितीची बैठक दि.

२७/११/२०२० रोजी जिल्हाधिकारी कार्यालय, पालघर येथे मा. जिल्हाधिकारी तथा

अध्यक्ष, जिल्हास्तरीय वनहक्क समिती यांचे अध्यक्षतेखाली आयोजित करण्यात आली होती. 

या जिल्हास्तरीय समितीच्या बैठकीत डहाणू तालुक्यातील ८४९, तलासरी तालुक्यातील १३, पालघर तालुक्यातील ३० असे

एकूण ८९२ वैयक्तिक वनपट्ट्यांना  अंतिम मंजुरी देण्यात आली. प्रकल्प अधिकारी

एकात्मिक आदिवासी विकास विभाग डहाणू, जव्हार तथा सहाय्यक जिल्हाधिकारी

डहाणू, जव्हार यांनी सदर दाव्यांना लॅमिनेशन  करुन देण्याचा निर्णय मा. जिल्हाधिकारी डॉ माणिक गुरसळ यांनी घेतला.

जिल्हास्तरीय वनहक्क समितीचे सचिव  सुरेंद्र नवले,

उपजिल्हाधिकारी (सा.प्र.),  हनमंत धुमाळ उप वनसंरक्षक, जव्हार डहाणू

(सदस्य), तसेच समितीचे अशासकीय सदस्य  गणेश उंबरसाडा,  गुलाब

राऊत, जिल्हा परिषद सदस्य यांच्या प्रमुख उपस्थितीत हा निर्णय घेण्यात आला.

 जिल्हाधिकारी यांनी वनहक्क दावे मंजुर करण्याचे कामकाजाला प्राथमिकता दिली असून पालघर जिल्हयातील प्रलंबित वनहक्क दाव्यांचे कामकाज लवकरात लवकर पूर्ण करण्याचा विश्वास  जिल्हाधिकारी डॉ. माणिक गुरसळ यांनी व्यक्त केला आहे.

तसेच वनहक्क शाखेचे  अ.का.हरीश सोनवणे, वनहक्क सहाय्यक शरद गजले, अक्षय महाले,सुनील वरठा,मोहसीन तडवी 

म.स मोनिका ब्राम्हणकर उपस्थित होते.