सायवन- मेढे पुलाचे काम उद्याच सुरू होणार : खासदार राजेंद्र गावित यांची घोषणा* -

* *सायवन- मेढे पुलाचे काम उद्याच सुरू होणार : खासदार राजेंद्र गावित यांची  घोषणा* - 

-वसई (रवींद्र नाईक)दिनांक २४/१०/२०२० 

वसई पूर्व भागातील तानसा नदीवरील सायवन - मेढे नवीन पुलाचे गेल्या दोन वर्षांपासून रखडलेले काम तातडीने सुरू करावे अशी आग्रही मागणी  परीसरातील  जनतेची   सार्वजनिक बांधकाम उपविभाग वसई याच्या कडे केली   होती अनेक वृत्तपत्रात   ह्या बाबत बातम्या आल्या होत्या  जनतेच्या मागणीनुसार व वृत्तपत्रातील बातम्यांची दखल घेऊन आज पालघर लोकसभेचे खासदार राजेंद्र गावित यांनी या पुलाच्या कामाच्या ठिकाणी सार्वजनिक बांधकाम विभागाचे अधिकारी, कंत्राटदार यांचेसह भेट देऊन रखडलेले काम उद्याच सुरू करण्याची सूचना केली.

तानसा नदीवरील सायवन मेढे जुन्या पुलाची अवस्था सद्या अतिशय खराब झाली असून पुलाला ठिकठिकाणी भेगा पडल्या आहेत तसेच ट्रक ,किंवा इतर वाहने पुलावरून गेल्या पूल हलायला लागतो .म्हणून गेल्या दोन वर्षांपूर्वी जुन्या पुलाशेजारी नवीन पुलाचे काम सुरू करण्यात आले व यासाठी दोन कोटी साठ लाख निधीची तरतूद करण्यात आली.पण दोन वर्षे उलटली तरी या पुलाच्या कामात कोणतीही प्रगती होताना दिसत नव्हती .त्यामुळे सद्या जुन्या जीर्ण झालेल्या पुलावरून वाहतूक सुरू असल्याने कधीही मोठी दुर्घटना घडू शकते.जुना पूल दरवर्षी पावसाळ्यात पाण्याखाली जात असल्याने वडघर, कळभोन, आंबोडे, मेढे, भिनार व परिसरातील आदिवासी पाडे अशा दहा ते पंधरा हजार नागरिकांचा संपर्क तुटतो व विद्यार्थी, नोकरदार, रुग्ण, भाजीपाला विक्रेता महिला यांचे अतोनात हाल होतात. मध्यंतरी लॉकडाऊन चे कारण देत मजूर मिळत नसल्याने पुलाचे काम थांबविल्याचे सांगण्यात येत होते परंतु आता विकासकामे सुरू झाल्याने आता या पुलाचे काम तातडीने सुरू करून लवकरात लवकर पूर्ण करावे व परिसरातील नागरीकांना दिलासा द्यावा अशी आग्रही मागणी जनतेची होती , याची तातडीने दखल घेवून पालघर लोकसभेचे खासदार राजेंद्र गावित यांनी या ठिकाणी भेट देत रखडलेले पुलाचे काम उद्याच सुरू सूचना कंत्राटदार व सार्वजनिक बांधकाम विभागाच्या अभियंत्यांना देवून लवकरात लवकर या पुलाचे काम पूर्ण करावे व निधीची कमतरता असल्यास आदिवासी विकास खात्याकडून निधी उपलब्ध करण्याचे आश्वासन दिले. तसेच उसगाव भाताने पुलाचा प्रश्न देखील लवकरच मार्गी लावणार असे आश्वासन दिले. यावेळी शिवसेनेचे लोकसभा सहसमन्वयक केदार काळे, काँग्रेसचे वसई तालुका अध्यक्ष राम पाटील , उपतालुका प्रमुख युवराज पाटील, उपअभियंता प्रशांत ठाकरे, कंत्राटदार दिलेश संखे, राधाकृष्ण पाटील, उपसरपंच चेतन पाटील, परिसरातील ग्रामस्थ बहुसंख्येने उपस्थित होते.