पं. स. व जि. प. विकास आराखडा तयार करण्यासाठी एकदिवसीय जिल्हास्तरीय कार्यशाळेचे उद्घाटन

*पं. स. व  जि. प. विकास आराखडा तयार करण्यासाठी एकदिवसीय जिल्हास्तरीय कार्यशाळेचे उद्घाटन*

 पालघर (प्रतिनिधी)जिल्हा परिषद पालघर राष्ट्रीय ग्राम स्वराज्य अभियान सण २०२१-२२   पंचायत समिती व जिल्हा परिषद विकास आराखडा( BPDP/DPDP) तयार करण्यासाठी जिल्हास्तरीय एकदिवसीय कार्यशाळेचे ग्राम पंचायत विभागा मार्फत उद्घाटन  करण्यात आले.  उपमुख्य कार्यकारी अधिकारी (ग्राम पंचायत) तुषार माळी यांनी उदघाटन झाल्याचे जाहीर केले. यावेळी गटविकास अधिकारी डहाणू,पालघर वसई उपस्थित होते. तांत्रिक छाननी समिती च्या  प्रशिक्षणाने या कार्यशाळेची सुरुवात करण्यात आली.  पंचायत समिती सभागृह आणि जिल्हा परिषद संकुल अशा दोन ठिकाणी विभागून कार्यशाळा आयोजित करण्यात आली.सदर प्रशिक्षणात जिल्हा परिषद विकास आराखडा तयार करण्याबाबत जिल्हा विकास आराखड्याची प्रक्रिया, जिल्हा नियोजन समिती व क्षेत्रीय कार्य गटाची स्थापना तसेच प्रशिक्षण, जिल्हा विकास आराखड्यासाठी वातावरण निर्मिती, ग्रामपंचायत विकास आराखडा व तालुका विकास आराखडा यांचे एकत्रीकरण करून विकासाच्या गरजा व प्राधान्यक्रम ठरविणे, विकासात्मक दृष्टिकोन कृती कार्यक्रम, जिल्हा परिषद स्तरावर नियोजनासाठी उत्पन्नाच्या बाबीं, योजना, अंमलबजावणी, देखरेख प्रणाली, अनुभवाधारित बदल करणे व जिल्हा विकास आराखडा मध्ये बद्दल व इतर अनेक विषयांवर प्रशिक्षण देण्यात येणार आहे.

 तसेच पंचायत समिती विकास  आराखडा तयार करण्याची प्रक्रिया, पंचायत समिती सदस्य नियोजन समिती आणि क्षेत्रीय कार्यकारी गटाची स्थापना तसेच प्रशिक्षण, पंचायत समिती विकास आराखडा तयार करण्यासाठी वातावरण निर्मिती, ग्रामपंचायत विकास आराखडा याचे एकत्रीकरण करणे, आणि विकासात्मक गरजांचे प्राधान्यक्रम निश्चित करणे, परिस्थिती विश्लेषण आणि विकास स्थिती बाबतचा अहवाल, इ. विषयावर कार्यशाळेमध्ये सविस्तर माहिती दिली जाईल. यशदा मध्ये प्रशिक्षण घेतलेले प्रवीण प्रशिक्षक नागेश्वर संखे नरेश बरफ यांच्यामार्फत प्रशिक्षण देण्यात येणार आहे.