पालघर नगरपरिषद द्वारा मोकाट श्वानांनसाठी व्हॅक्सिनेशन व नसबंदी प्रकल्प !

पालघर नगरपरिषद द्वारा मोकाट श्वानांनसाठी व्हॅक्सिनेशन व नसबंदी प्रकल्प  !

       

पालघर ( हिरालाल लोखंडे ) पालघर शहरात मोकाट श्वानांचे ( कुत्र्यांचे ) प्रमाण मोठ्या प्रमाणात आहे. अनेकदा हे कुत्रे रात्रीच्या वेळी टोळक्याने एकत्र फिरतात. टाळक्यात ते एका वेळी कमीत कमी दहापेक्षा जास्तच असतात. अश्यावेळी एखादी व्यक्ती दुचाकीवरून जात असेलतर, दुचाकी स्वाराच्या मागे लागत असतात. व दुचाकी धारकाचा अपघात होत असल्याची शक्यता नाकारता येत नाही. तर रस्त्याने लहान मुले किंवा मोठी  माणसे जात असताना, अचानकपणे येऊन चावा घेतल्याची अनेक उदाहरणे आहेत. 

     दिनांक २८ जुलै २०२१ रोजी पालघर नगरपरिषदेने कुत्र्यांनमुळे घडणार्‍या घटनांचा विचार करीत,  मोकाट कुत्र्यांना पकडून, त्यांचे व्हॅक्सिनेशन व नसबंदी करण्यासाठी प्रकल्प पालघर पुर्वेला सुरू केला आहे. पालघर जिल्ह्यातील हा पहीलाच उपक्रम आहे. 

     या कार्यक्रमाला डॉक्टर सौ. उज्ज्वला केदार काळे - नगराध्यक्षा पालघर, श्री. कैलास म्हात्रे - शिवसेना गट नेते, श्री भावानंद संखे - भारतीय जनता पार्टी गट नेते, श्री अमोल पाटील - आरोग्य सभापती, श्री रविंद्र म्हात्रे - बांधकाम सभापती, श्री सुभाष भानुशाली - नियोजन सभापती, श्री राजेंद्र पाटील - नगरसेवक, श्री दिनेश बाबर - नगरसेवक, श्री चंद्रशेखर वडे नगरसेवक, शेरबानो मेनन नगरसेविका, प्रियंका म्हात्रे नगरसेविका, अक्षय संखे नगरसेवक, सदर हा प्रकल्प राबवणारे डॉक्टर श्री जगदीश पाटील, व प्रकल्पासाठी ज्यांनी स्व:ताची जमीन उपलब्ध करून दिली ते पालघर मधील समाजसेवक / स्त्रीरोग तज्ञ डॉक्टर श्री राजेंद्र चव्हाण व श्रीमती वैशाली चव्हाण आदी मान्यवरांच्या उपस्थित उपक्रम सुरू करण्यात आला आहे अशी माहिती श्री केदार काळे -  शिवसेना पालघर लोकसभा सहसमन्वयक यांच्या कडुन मिळत आहे.