सन 2011 ते दि. 31 मार्च 2021 या कालावधीत नोंदणी केलेल्या कामगारांना रु.1500 मिळणार

सन 2011 ते दि. 31 मार्च 2021 या कालावधीत नोंदणी 

केलेल्या कामगारांना रु.1500 मिळणार

पालघर (प्रतिनिधी)दि. 20 :- कोरोना प्रादुर्भाव काळात घरेलु कामगाराना आर्थिक मदतीसाठी महाराष्ट्र घरेलु कामगार कल्याण मंडळाने रु. 1500/- देण्याचा धोरणात्मक निर्णय घेण्यात आलेला आहे. त्यानुसार सन 2011 ते दि. 31 मार्च 2021 या कालावधीत नोंदणी केलेल्या कामगारांना रु.1500/- दयावयाचे आहेत. बँक खाते आधारकार्ड इत्यादी माहिती उपलब्ध असलेल्या कामगाराच्या खात्यात रक्कम टाकण्यात आलेली आहे. ज्या कामगारांनी सन 2011 ते दि.31 मार्च 2021 या कालावधीत नोंदणी केलेली असेल त्यांनी बँक खात्याचे पासबुक, आधारकार्डची छायांकित प्रत तसेच आवश्यक असणारी वैयक्तिक माहिती http://public.mlwb.in/public या संकेतस्थळावर सादर करावी. अथवा "कामगार उप आयुक्त, पालघर, एम.आय.डी.सी. कर्मचारी वसाहत, तारापूर-बोईसर रोड, हॉटेल सरोवर समोर, बोईसर (पश्चिम), ता. व जि. पालघर- 401504" या कार्यालयाशी संपर्क साधावा, असे आवाहन कि.वि. दहिफळकर, कामगार उप आयुक्त, पालघर यांनी केले आहे.