कृषी सभापती सुशील चुरी यांच्या बंधूंनी पिंटू चुरी याने दिली गॅरेज व्यवसाय केला धमकी तीस हजाराची मागितली खंडणी पोलीस प्रशासन मात्र आंधळा बहिरे बनवून गुन्हेगारांना करते मदत?

कृषी सभापती सुशील चुरी यांच्या बंधूंनी पिंटू चुरी याने दिली गॅरेज व्यवसाय केला धमकी तीस हजाराची मागितली खंडणी पोलीस प्रशासन मात्र आंधळा बहिरे बनवून गुन्हेगारांना करते मदत?

प्रतिनिधी :- बाबासाहेब गुंजाळ, पालघर

सत्तेतील शिवसेना नेत्यांची सुरू आहे दादागिरी...

बोईसर एमआयडीसी मध्ये एखाद्या व्यक्तीला कंपनीमध्ये काही व्यवसाय करायचा असेल तर आता *घ्यावी लागणार का शिवसेना नेत्यांची परवानगी?*

जर शिवसेना नेत्यांच्या मर्जी विना एखाद्या कंपनीशी व्यवहार केला तर *द्यावी लागणार का खंडणी?*

यासाठीच केला होता अट्टहास? आघाडी सरकारमध्ये सामील होत शिवसेनेचा मुख्यमंत्री तसेच पालघर जिल्हा परिषदेवर अध्यक्षपद शिवसेनेकडे आल्यानंतर तसेच विविध सभापतीपद शिवसेना पक्षाकडे आल्यानंतर शिवसेना नेत्यांची मुजोर शाही वाढल्याचे चित्र गेल्या दोन वर्षात समोर येत आहे. नुकतंच एका कंपनीतील कामगार व स्थानिक स्थानिक नेत्यांमध्ये हाणामारी झाल्याचे चित्र समोर आलं होतं, तो वाद मिळतो ना मिळतो तोच सध्या कृषी सभापती सुशील चुरी यांचे बंधू नितेश चुरी उर्फ पिंटू चुरी यांनी एका गॅरेज व्यावसायिकाला फोन करून धमकावल्याचा व खंडणी मागितल्याचा धडधडीत पुरावा समोर आला आहे.

पोलिसात तक्रार दाखल करण्यासाठी गेलेल्या तक्रारदारास पोलिसांनी आधी घाबरून सोडले, खंडणीचा गुन्हा दाखल न करता केवळ NCR दाखल करून थुकपट्टी करत प्रकरण दाबण्याचा केला गेला प्रयत्न?

सत्य घटना अशी आहे की बॉम्बे रेयॉन कंपनीतील 4 चाकी गाडी विक्री करण्यासाठी कंपनीकडून जाहिरात देण्यात आली होती. सदर जाहिरातीनंतर एक गॅरेज व्यवसाय करणे त्याचे कोटेशन बॉम्बे कंपनीला दिल्यानंतर बॉम्बे या कंपनीने सदर व्यक्तीला ती गाडी विकत देण्याचे मान्य करत सदर व्यक्तीकडून डीडी स्वरूपात त्या गाडीचे पैसे घेतले . सदर व्यक्ती गाडी घेत असल्याची गोष्ट पिंटू व साथीदारांना समजल्यानंतर त्यांनी त्याला कंपनीत जाऊन दमदाटी करण्याचा प्रयत्न केला. ही गाडी तू विकत घेऊ नकोस. नाहीतर परिणाम गंभीर होतील अशा पद्धतीने धमकावले परंतु गाडी विकत घेणाऱ्या गॅरेज व्यवसाय करणे त्यांना मी गाडी चे पैसे पूर्ण भरले आहेत. त्यामुळे आता तो व्यवहार मी रद्द करू शकत नाही. याबाबत असमर्थता दर्शवली असता, मला विचारल्याशिवाय गाडी या ठिकाणाहून घेऊन जायची नाही नाहीतरी परिणाम गंभीर होतील . अशा स्वरूपाची दमबाजी कंपनीत केल्यानंतर दुसऱ्या दिवशी ज्यावेळेस सदर व्यावसायिकाने गाडी आणल्यानंतर पिंटू सदर व्यावसायिकाला फोन करत दमबाजी करत मी इतरांकडून ५०,००० घेतो तू मला ३०,००० दे नाहीतर तुला मी मारीन तू ओळखीचा असल्यामुळे मी तुला काल मारला नाही नाहीतर तिथेच मारला असता, तुम्ही गॅरेज व्यवसायिक काम करता आम्ही त्याठिकाणी आडवे येतो का? तर तुम्ही बोईसर एमआयडीसी मध्ये का कोटेशन टाकतात आमच्या व्यवसायात आडवे घ्यायचे नाही. अशा विविध प्रकारे दमबाजी करून सदर व्यावसायिकाला मी तुला ३०,००० देतो नाहीतर तू मला ३०,००० दे अशा धमक्या दिल्या असताना देखील जेव्हा सदर व्यक्ती बोईसर पोलिस ठाण्यात तक्रार देण्यासाठी गेले असता, अवैध कामांचा रक्षणकर्ता, केमिकल माफियांचा माय बाप, रेती चोरांचा सहाय्यक नुकताच ज्याचा लेखनिक पैसे घेताना रंगेहात पकडला होता त्या बोईसर पोलीस ठाण्याचा प्रभारी याने मात्र गुन्हा दाखल करून घेण्यास टाळाटाळ करत उद्या सकाळी ये अर्ज दे समोरच्यांना बोलावून चौकशी करतो अशा पद्धतीची उत्तरे देत वेळ मारून नेण्याचा प्रयत्न केला. सदर प्रकार उपविभागीय पोलिस अधिकारी बोईसर वळवी साहेब तसेच ऑडिशनल पोलीस अधीक्षक गायकवाड साहेब यांच्यापर्यंत ही रेकॉर्डिंग गेल्यानंतर केवळ ५०७ प्रमाणे अदखलपात्र गुन्हा नोंदवण्याची थातूरमातूर पणा बोईसर पोलिसांनी केला आहे. सदर प्रकारात तक्रारदाराची दबाव टाकून त्या तक्रारीत कुठेही पैसे मागितले याचा साधा पुसटसा उल्लेख देखील केला गेला नाही पत्रकारांनी पोलीस निरीक्षक कसबे यांच्याशी संपर्क साधला असता मला काहीच प्रकार माहित नाही अशी खोटी उत्तरे पत्रकारांना दिली राजकीय गुंडांवर खंडणीचे गुन्हे दाखल करण्याऐवजी त्यांना वाचविण्याचे काम सध्या कसबे हा पोलीस अधिकारी करत आहे सदर अधिकाऱ्याला पोलीस प्रशासन आतून वरदहस्त आहे की काय अशी शंका आता उपस्थित होऊ लागली आहे.

बोईसर पोलीस स्टेशन अंतर्गत समुद्राची चोरटी वाळू नदीची चोरटी वाळू केमिकल टँकर अनधिकृत बांधकाम त्याचबरोबर इतरही अवैध कामांचा सुळसुळाट झाला आहे. ठाण्याचा प्रभारी कसबे यांच्या मागील कार्यकर्ती देखील गुन्हेगारांवर वचक राहिलेला नाही हे स्पष्ट दिसून येते लाखो रुपयांचा हप्ता देवाण-घेवाण सध्या होत असल्याच्या चर्चा राजकीय तसेच प्रशासकीय वर्तुळात सुरू आहेत. पालघर पोलीस अधीक्षक दत्तात्रेय शिंदे हे कसबे यांच्यावर कारवाई करणार का मागे त्यांचा कर्मचारी लाच घेतल्याचा पुरावा मिळवून देखील पुन्हा कसबे बोईसर पोलीस ठाण्यात पून्हा कसे रुजू झाले? आता तक्रारदार यांच्या तक्रारी दाबून गुन्हेगारांना साहाय्य करणाऱ्या अधिकाऱ्याला पोलीस पदकासाठी शिफारस तर करणार नाही ना असा सवाल नागरिक विचारू लागले आहेत.?