सफाळे करांचा प्रामाणिकपणा
सापडलेले सोन्याचे मंगळसुत्र परत दिले
सफाळे ( हिरालाल लोखंडे )
दिनांक २३ डिसेंबर २०२० रोजी सौ, दिपा दिपक पाटील राहणार सफाळेगाव लग्नकार्याला जात असताना सकाळी सफाळे बाजार भागात तिच्या गळ्यातील मंगळसुत्र हरले. शोध घेतला असताना मिळुन आले नाही परंतु लग्नाला जाणे गरजेचे असल्याने त्या लग्नाला निघुन गेल्या, असता त्याच वेळेस सफाळे येथील रहिवासी श्री केतन कांतीलाल शहा हे कामा निमित्त रेल्वे फाटकातून जात असताना मंगळसुत्र पडलेले आढळले, त्यांनी ते मंगळसुत्र उचलून घेऊन त्यांनी त्यांचे मामा श्री किशोर बाबुभाई शहा यांच्या निदर्शनास आणून दिले , किशोर शहा यांनी सफाळे पोलिस ठाण्यात कार्यरत असलेले ट्राफिक पोलिस श्री संदीप नांगरे यांना मंगळसुत्र मिळाल्याचे सागितले, श्री नांगरे यांनी सादर माहिती वरिष्ठांना दिली असता सदर हरलेल्या वस्तु बद्दल पोलिस स्टेशन मधुन स्पिकर द्वारे हरवलेल्या वस्तुची वारंवार घोषणा करण्यातआली, सोशल मीडिया व्दारे लोकांना कळविण्यात आले ,सदर दागिना त्या दरम्यान पलक ज्वेलर्सचे मालक श्री नितीन कच्छारा सफाळे यांच्या कडे ठेवण्यात आला होता,
सदर हरवलेल्या दागिन्यांचा शोध घेत असताना सौ दिपा पाटील याना माहिती मिळाली सफाळे पोलिस स्टेशन मधे एक मंगळसुत्र मिळुन आले आहे, त्यानी सदर हरवलेले मंगळसुत्र याची आपले असल्याचे वेळ - काळ-ठिकाण आदी सांगितले असता ओळख पटल्याने दिनांक १३ जानेवारी २०२१ रोजी संध्याकाळच्या सुमारास सफाळे पोलीस स्टेशनचे प्रभारी अधिकारी श्री संदीप कहाळे याच्या उपस्थितीत श्री किशोर बाबुभाई शहा, नितिन कच्छारा यांच्या हस्ते सदर महिलेला मंगळसुत्र परत दिले, हरवलेले मंगळसुत्र परत मिळाल्यानंतर महिलेने पोलिस - अधिकारी,पोलिस तसेच ज्यांनी तो दागिना सापडलेला तरी परत दिल्या बद्दल सर्वाचे आभार मानून समाधान व चेहर्यावर आनंद येऊन समाधानाने पोलिस स्टेशन मधुन गेली,
No comments:
Post a Comment