नाशिक एकलहरे येथील मातोश्री कॉलेज ऑफ फार्मसीच्या विद्यार्थ्यांचे १००% यश संपादन. नाशिक प्रतिनिधी / सतीश पाटील.

नाशिक एकलहरे येथील मातोश्री कॉलेज ऑफ फार्मसीच्या विद्यार्थ्यांचे १००% यश संपादन. 

 नाशिक प्रतिनिधी / सतीश पाटील.

 नाशिक एकलहरे येथील मातोश्री कॉलेज ऑफ फार्मसीच्या विद्यार्थ्यांचा डिप्लोमा फार्मसी द्वितीय वर्ष या परीक्षेत दरवर्षीप्रमाणे यावर्षीही १००% निकाल लागला आहे. हे सर्व शक्य झाले आहे येथील अनुभवी शिक्षक वृंद व त्यांनी दिलेल्या  उच्चतम सोयी सुविधांमुळे. कॉलेज तर्फे वेळोवेळी शिक्षकांनी विविध सेमिनारचे आयोजन केले, संदर्भासाठी ग्रंथालय,  अत्याधुनिक प्रयोगशाळा, टेस्ट सिरीज, नोट्स या सर्व सुविधा विद्यार्थ्यांना उपलब्ध करुन देण्यात आल्यात व त्यामुळे कॉलेजमधील सुकन्या कानडे व श्याम ढोकरे यांनी ९५% असे समान गुण मिळवून प्रथम क्रमांक, ज्योती पाळदे हिने ९४.४०% गुण मिळवून दुसरा, अनिकेत भारती याने ९४.३०% गुण मिळवून तिसरा क्रमांक तर तेजस्विनी कानडे हिने ९३.६०% गुण मिळवून चौथा क्रमांक  पटकविला. विद्यार्थी आणि कॉलेज व्यवस्थापन यांच्या समन्वयाचा या निकालावर परिणाम झाला आहे असे विद्यार्थ्यांचे म्हणणे आहे.

 मातोश्री एज्युकेशन सोसायटीचे सचिव कुणाल दराडे, फार्मसी महाविद्यालयाचे प्राचार्य डॉ. गोकुळ तळेले आणि फार्मसी डिप्लोमा विभागाचे प्रमुख प्रशांत चव्हाण यांच्या तर्फे यशस्वी विद्यार्थ्यांचे अभिनंदन करण्यात आले व त्यांना पुढील वाटचालीसाठी शुभेच्छा देण्यात आल्यात.