नाशिक मुंबई महामार्गावरील वाडीवऱ्हे पोलीस स्टेशन हद्दीत रोथे एर्ड कंपनीसमोर पिकअप आणि लक्झरी बस यांच्या अपघातात दोन ठार चार जखमी.

नाशिक मुंबई महामार्गावरील  वाडीवऱ्हे पोलीस स्टेशन हद्दीत रोथे एर्ड कंपनीसमोर पिकअप आणि लक्झरी बस यांच्या अपघातात दोन ठार चार जखमी.

 नाशिक प्रतिनिधी / तुषार बऱ्हे 

 नाशिक मुंबई महामार्गावरील वाडीवऱ्हे पोलीस स्टेशन हद्दीत रोथे एर्ड कंपनी समोर पिकअप या वाहनाचे टायर फुटल्याने चालकाचा वाहनावरील ताबा सुटून पिकअप दुभाजक ओलांडून मुंबईकडून इंदूर ला जाणाऱ्या लक्झरी बसला धडकली या अपघातात पिकअप मधील इगतपुरी तालुक्यातील योगेश दामू वाजे(35) खेडभैरव,  किरण शिवाजी बऱ्हे(30) अधरवड हे दोन जण ठार तर संदीप केकरे(27) हा तरुण जखमी झाला व बसमधील बसचालक रमेश यादव, फ्रेंक डी रिझारियो, नितीन धोपटे (इंदोर) हे जखमी झालेत. जखमींवर नाशिक जिल्हा रुग्णालयात उपचार सुरू आहेत.

 या अपघातात पिकअप वाहनाचा  चुराडा होऊन बस बाजूला खड्ड्यात जाऊन आदळली. वाडीवऱ्हे  पोलीस स्टेशन मध्ये अपघाताचा गुन्हा दाखल होऊन पुढील तपास पोलीस निरीक्षक विश्वजीत जाधव यांच्या मार्गदर्शनाखाली पोलिस उपनिरीक्षक पाटील करीत आहे.