दि.११/१०/२०२०*'माझे कुटुंब माझी जबाबदारी' या मोहिमेअंतर्गत बक्षीस योजनेत सहभाग नोंदविण्याचे जिल्हाधिकारी यांचे आवाहन*

दि.११/१०/२०२०

*'माझे कुटुंब माझी जबाबदारी' या मोहिमेअंतर्गत बक्षीस योजनेत सहभाग नोंदविण्याचे जिल्हाधिकारी यांचे आवाहन*

    पालघर (प्रतिनिधी) जिल्ह्यातील Covid-19 नियंत्रणासाठी तसेच मृत्यू दर कमी करण्यासाठी माझे कुटुंब माझी जबाबदारी या मोहिमेअंतर्गत बक्षीस योजना आयोजित करण्यात आली आहे. यामध्ये निबंध, म्हणी, शॉर्ट फिल्म, पोस्टर्स इत्यादी स्पर्धांचा समावेश असणार आहे. जिल्ह्यातील विद्यार्थी,पालक, सामान्य व्यक्ती यांच्यासाठी ही योजना लागू असेल. तरी या मोहिमेत जास्तीत जास्त स्पर्धकांनी सहभाग घेऊन covid-19 बाबत जनजागृती करण्यासाठी हातभार लावावा असे आवाहन जिल्हाधिकारी डॉ. माणिक गुरसळ  आणि जिल्हा परिषदेचे मुख्य कार्यकारी अधिकारी एस.के.सालीमठ यांनी केले आहे.

     विजयी स्पर्धकांना जिल्हास्तरीय  आणि आमदार मतदारसंघ  स्तरावर ढाल आणि रोख रक्कम  बक्षीस म्हणून देण्यात येईल. 

पहिले बक्षीस अनुक्रमे  ५,००० आणि ३,००० दुसरे बक्षीस ३,००० आणि २,००० तर  तिसरे बक्षीस २,००० आणि १,००० अशा स्वरूपाचे असेल  भाग घेणाऱ्या स्पर्धकांनी कोव्हीड 19 अंतर्गत माझे कुटुंब माझी जबाबदारी या विषयावरील साहित्य त्यांच्या तालुक्यातील तालुका आरोग्य अधिकारी यांचेकडे दि.२०/१०/२०२० रोजी सायंकाळी ५ वाजेपर्यंत जमा करावे.

     अशी माहिती पालघर जिल्हा परिषदेच्या आरोग्य विभागामार्फत देण्यात आली आहे.