पतीनेच सुपारी देऊन काढला पत्नीचा काटा: आपल्या सहकार्‍यांसोबत केला मास्टर प्लॅन,अनैतिक संबंधातून प्रकार घडल्याचे पोलीसांकडून उघड. नाशिक प्रतिनिधी / तुषार बऱ्हे.

पतीनेच सुपारी देऊन काढला पत्नीचा काटा: आपल्या सहकार्‍यांसोबत केला मास्टर प्लॅन,अनैतिक संबंधातून प्रकार घडल्याचे पोलीसांकडून उघड.

 नाशिक प्रतिनिधी / तुषार बऱ्हे. 

 अनैतिक संबंधांच्या प्रकारामुळे पतीनेच सुपारी देऊन पत्नीचा काटा काढल्याची धक्कादायक घटना नाशिक जिल्ह्यात घडली आहे. मुंबई-आग्रा महामार्गालगत राहुड शिवारात मंगळवार (दि.१६) नाल्यात एका महिलेचा मृतदेह नाशिक ग्रामीण स्थानिक गुन्हे शाखेच्या हद्दीत आढळून आला होता. काही दिवसातच ह्या महिलेची ओळख पटवून आरोपींपर्यंत पोहचण्यास पोलिसांना यश आले. पत्नीच्या अनैतिक संबंधांना कंटाळून पतीनेच तिच्या खुनाची सुपारी दिल्याचे तपासात उघड झाले असून, पोलिसांनी पती व त्याच्या साथीदाराना गजाआड केले आहे.

नीता नारायण चित्ते (वय ३९, रा. चित्ते प्लाझा, प्लॉट नंबर ०१, नाशिक) असे या मृत महिलेचे नाव आहे. तिचा पती नारायण चित्ते हा तिच्या विवाहबाह्य संबंधांना कंटाळला होता म्हणून खुनाची सुपारी दिली व सहकार्‍यांसोबत तिचा खून केल्याची कबुली पती नारायण चित्ते याने पोलिसांना दिली आहे.

पतीला एकट्याला हे शक्य होणार नव्हते म्हणून त्याने त्याचा मित्र विनय निंबाजी वाघ (वय ५२ , गुलमोहर नगर, म्हसरूळ) व भरत देवचंद मोची उर्फ मोरे (२८ , रा. भीमनगर, उल्हासनगर) यास १० लाखाची सुपारी दिली.

 

नीता ही रविवारी पती नारायण चित्ते यास सांगून सिडकोत माहेरी गेली होती. दरम्यान भरत देवचंद मोची उर्फ मोरे याने आपला मित्र वाहिद अली शराफत अली (रा. पंचशील नगर, उल्हासनगर) याला नीताशी व्हाट्सएप्प वर मैत्री कर अशी सूचना आधीच  केली त्यानुसार वाहिद अलि याने नीताशी मैत्री करून तिचा विश्वास संपादन केला आणि नीताला आडगाव नाक्यावरील उड्डाणपुलाजवळ बोलविले त्याप्रमाणे नीता तिथे आली.

ठरलेल्या प्लॅनप्रमाणे त्यांनी नीता हिला स्विफ्ट कार (एम एच ०१, पीए ५६३२) मध्ये बसविले व राहुड घाट परिसरात नेले. घाटात गेल्यावर तिचा गळा आवळून खून केला. पुरावा नष्ट करण्यासाठी त्यांनी तिचा मृतदेह महामार्गालगतच्या नाल्यात फेकून दिला. काम पूर्ण झालेले असल्याने दुसऱ्या दिवशी सहकारी सकाळी विनय वाघ यांच्याकडून ५ लाख रुपये घेण्यात आल्याचे देखील उघड झाले आहे. विनय वाघ यास देखील अटक करण्यात आलेली आहे.

नाशिकच्या अंबड पोलिस ठाण्यात पत्नी हरविल्याची तक्रार देखील तिच्या पतीनेच दाखल केलेली होती.त्यानुसार तपासाला गती देत पोलिस अधीक्षक डॉ. आरती सिंह, अपर पोलिस अधीक्षक संदीप घुगे, उपविभागीय पोलिस अधिकारी समीर साळवे यांच्या मार्गदर्शनाखाली पोलिस निरीक्षक के. के. पाटील यांच्या पथकाने या गुन्ह्याची माहिती उघड केली.