कोरोनाच्या वाढत्या प्रादुर्भावामुळे नाशिक जिल्ह्यातील शाळा व कॉलेज 4 जानेवारी 2021 पर्यंत बंदच राहणार : जिल्हा प्रशासनाच्या बैठकीत निर्णय. नाशिक प्रतिनिधी / तुषार बऱ्हे

कोरोनाच्या वाढत्या प्रादुर्भावामुळे नाशिक जिल्ह्यातील शाळा व कॉलेज 4 जानेवारी 2021 पर्यंत बंदच राहणार : जिल्हा प्रशासनाच्या बैठकीत निर्णय.

 नाशिक प्रतिनिधी / तुषार बऱ्हे. 

 दिनांक 23 नोव्हेंबर पासून जिल्ह्यातील शाळा व कॉलेज टप्प्याटप्प्याने सुरू करण्यासाठी राज्य शासनाने परवानगी दिली होती मात्र त्यासाठी शिक्षक आणि विद्यार्थ्यांची कोरोना तपासणी करणे अनिवार्य असल्याने अनेक शिक्षकांची पूर्व तपासणी करण्यात आली व त्यामध्ये अनेक शिक्षक कोरोना बाधित आढळून आल्याने शाळा सुरु करणे बाबत शिक्षक, पालक व जिल्हा प्रशासन यामध्ये संभ्रमाची स्थिती निर्माण झाली होती.

पालक संघटना व शिक्षक संघटना यांच्या आग्रही भूमिकेनंतर कोरोनाच्या पार्श्वभूमीवर शहर आणि जिल्ह्यातील शाळा सुरू करण्याबाबत नाशिक जिल्हाधिकारी कार्यालयात बैठक घेण्यात आली या बैठकीत शाळा व कॉलेज दिनांक 4 जानेवारी 2021 पर्यंत बंदच राहणार व पहिली ते आठवी प्रमाणे नववी ते बारावी चे वर्ग सुद्धा ऑनलाईन पद्धतीने घेण्याचा निर्णय या बैठकीत घेण्यात आला.

पालकमंत्री छगन भुजबळ जिल्हाधिकारी सुरज मांढरे शिक्षक संघटना प्रतिनिधी आणि जिल्हा प्रशासन यांच्या बैठकीत हा निर्णय घेण्यात आला. जिल्हा प्रशासनाच्या या निर्णयाने शिक्षक व पालक यांनी समाधान व्यक्त केले आहे.