बिस्लेरीच्या `बॉटल्स फॉर चेंज' या उपक्रमांतर्गत
वसई येथे `सेव्ह द अर्थ फाऊंडेशन व वसई - विरार महानगरपालिका' यांच्या संयुक्त विद्यमाने ` प्लास्टिक पुनर्वापर जनजागृती अभियान' कार्यक्रमाचे आयोजन
वसई(ःप्रतिनिधी) `जागतिक पुनर्वापर दिनाचे' औचित्य साधत दिनांक 19मार्च 2021 रोजी वसई पापडी, येथे `प्लास्टिक पुनर्वापर जनजागृती अभियान' कार्यक्रम बिस्लेरी इंटरनॅशनल लि. यांच्या `बॉटल्स फॉर चेंज' या उपक्रमांतर्गत `सेव्ह द अर्थ फाऊंडेशन व वसई-विरार महानगरपालिका' यांच्या संयुक्त विद्यमाने कार्यक्रम आयोजन करण्यात आला.
प्लास्टिक पुनर्वापरासाठी घरी वापरण्यात आलेल्या प्लास्टिकचे संकलन करताना ते वेगवेगळे व स्वच्छ धुवून कसे ठेवावे याबाबतची अतिशय उपयुक्त माहिती बिस्लेरी कंपनीच्या श्रीम. श्रेया सुधीर यांनी उपस्थित नागरिकांना दिली. तसेच `प्लास्टिक ही समस्या नसून त्याचा पुनर्वापर केल्यास मानवी जीवनात त्याचा उपयोगच आहे' असे प्रतिपादन बिस्लेरी कंपनीचे सी.एस.आर. प्रतिनिधी श्री. संतोष दरणे यांनी केले.
वसई-विरार महानगरपालिकेसोबत संस्था हे प्लास्टिक संकलनाचे काम करणार असून या कार्यक्रमात प्लास्टिक संकलनाबाबत बोलताना वसई-विरार महानगरपालिकेचे वरिष्ठ आरोग्य निरीक्षक श्री. विकास पाटील यांनी महानगरपालिकेचे संपूर्ण सहकार्य या कामी संस्थेला मिळेल असे आश्वासन दिले आहे.
कार्यक्रमासाठी आलेल्या स्वच्छता दूत महिलांना प्लास्टिक गोळा कसे करावे व कसे वेगवेगळे ठेवावे याबाबत मार्गदर्शन करण्यात आले आणि या महिला स्वच्छता दूतांची यावेळी आरोग्य तपासणीही करण्यात आली.
कार्यक्रम यशस्वी होण्यासाठी संपूर्ण कार्यक्रमाचे नियोजन संस्थेचे श्री. संतोष काकड यांनी केले होते. कार्यक्रमात `सेव्ह द अर्थ फाऊंडेशन' संस्थेचे पदाधिकारी, पर्यावरण रक्षक श्री. मेकेन्झी डाबरे, वर्तक महाविद्यालयाचे प्राध्यापक श्री. हेमंत डोंगरे, लायन्स क्लबचे श्री. हनुमंत भोसले, सामाजिक कार्यकर्ते जयंत हटकर इ. मान्यवर उपस्थित होते.
No comments:
Post a Comment