राज्यातील पशुवैद्यकीय दवाखान्याच्या वेळेत बदल, पशुपालकांनी या नव्या वेळेचा लाभ घ्यावा.

राज्यातील पशुवैद्यकीय दवाखान्याच्या वेळेत बदल, 

पशुपालकांनी या नव्या वेळेचा लाभ घ्यावा.

पालघर (प्रतिनिधी)दि. 08 :- पशुसंवर्धन विभागातील सर्व पशुवैद्यकीय दवाखाने हे या यापूर्वी दोन सत्रात कार्यरत असल्याने पशुपालकांना या वेळा या अत्यन्त गैरसोयीच्या ठरत असल्याने आयुक्त पशुसंवर्धन, पुणे या कार्यालयास विविध निवेदने प्राप्त होत होती.

त्या अनुषंगाने पशुसंवर्धन आयुक्त, पुणे यांनी जारी केलेल्या परिपत्रकानुसार राज्यातील पशुवैद्यकीय दवाखान्याच्या वेळेत बदल झाला असून जिल्ह्यातील सर्व श्रेणी 1 व श्रेणी 2 हे दवाखाने आता सोमवार ते शुक्रवार या दिवशी सकाळी 9.00 ते दुपारी 04.30 वाजेपर्यंत चालू राहणार आहेत. यामध्ये जेवणाच्या सुट्टी ची वेळ दुपारी 1.00 ते 1.30 वाजेपर्यत असणार आहे. तसेच दर शनिवारी दवाखाने हे सकाळी 8.00 ते दुपारी  1.00 वाजेपर्यंत सुरु राहतील. पशुपालकांना आकस्मिक प्रसंगी 24 तास पशुसेवा उपलब्ध राहणार आहे. त्यामुळे जिल्ह्यातील सर्व पशुपालकांनी या नव्या वेळेची दाखल घेऊन आपल्या नजीकच्या पशुवैद्यकीय संस्थे मधून पशुसेवेचा लाभ घ्यावा असे आवाहन जिल्हा पशुसंवर्धन उपयुक्त पालघर डॉ.प्रशांत ध. कांबळे यांनी केले आहे.

*********