भारतीय प्रजासत्ताक दिनाचा 71 वा वर्धापन दिन समारंभ

भारतीय प्रजासत्ताक दिनाचा 71 वा वर्धापन दिन समारंभ

पालघर (प्रतिनिधी)दि.25 :- पालघर येथे भारतीय प्रजासत्ताक दिनाच्या 71 व्या वर्धापन दिनानिमित्त मंगळवार दि. 26 जानेवारी 2021 रोजी सकाळी 9.15 वा. ध्वजारोहणाचा मुख्य शासकीय पोलीस परेड मैदान, कोळगांव, जैनेसिस औद्योगिक परिसराच्या बाजूचे मैदानात कृषी, माजी सैनिक कल्याण मंत्री  तथा पालघर जिल्ह्याचे पालकमंत्री दादाजी भुसे  यांच्या शुभहस्ते होणार आहे. 

तरी या कार्यक्रमासाठी जिल्ह्यातील सर्व नागरिकांनी उपस्थित रहावे, असे आवाहन जिल्हाधिकारी डॉ. माणिक गुरसळ यांनी केले आहे.

दिनांक 26 जानेवारी 2021 रोजी सकाळी 8.30 ते 10.00 वा. च्या दरम्यान ध्वजारोहणाचा किंवा इतर कोणताही शासकीय किंवा अर्धशासकीय समारंभ आयोजित करण्यात येऊ नये. तसेच सदर शासकीय समारंभासाठी  राष्ट्रीय पोषाख परिधान करावा असे जिल्हाधिकारी डॉ. माणिक गुरसळ यांनी  सांगितले.

०००००