सिन्नर येथील सरोजनी काळमेख यांनी आपल्या पतीचे सर्व अवयव दान करून निर्माण केला सामाजिक आदर्श. नाशिक प्रतिनिधी / तुषार बऱ्हे.

सिन्नर येथील सरोजनी काळमेख  यांनी आपल्या पतीचे सर्व अवयव दान करून निर्माण केला सामाजिक आदर्श. 

 नाशिक प्रतिनिधी / तुषार बऱ्हे. 

 याबाबत सविस्तर वृत्त असे की, दिनांक 24 डिसेंबर रोजी. सिन्नर येथील साईबाबा पतसंस्थेचे  व्यवस्थापक विनायक सुधाकर काळमेख (वय 61) यांचा शिंदे गावाजवळ दारणा नदीच्या पुलावर गंभीर स्वरूपाचा अपघात झाला व त्यात त्यांच्या मेंदूला गंभीर दुखापत झाली. अपघात स्थळावरून त्यांना डॉक्टर संदीप खिवंसरा रा. पुणे यांनी काळमेख यांना सिन्नर फाटा, नाशिक रोड येथील साई केअर हॉस्पिटल येथे दाखल केले, साई केअर हॉस्पिटल येथून तपासणी करून त्यांना त्वरित गंगा ऋषिकेश हॉस्पिटल नाशिक येथे हलविण्यात आले येथे त्यांची तपासणी करण्यात आली व त्यांचा मेंदू मृत घोषित करण्यात आला याची कल्पना त्यांच्या नातेवाईकांना देण्यात आली. डॉक्टरांनी त्यांना रुग्णाचे अवयव दान करण्याचे आवाहन केले व सांगितले आपल्या निर्णयाने  गरजूंना जीवदान मिळेल तरी आपण अवयवदानासाठी संमती द्यावी. रुग्णाच्या पत्नी सरोजनी काळमेख, मुलगा शंतनु, भाऊ चंद्रशेखर, पुतण्या अनय काळमेख,बहिण वैशाली जथे व माधुरी मंद्रे या सर्वांनी अवयव दानाची परवानगी दिली. डॉक्टरांनी त्यांच्या या अलौकिक निर्णयाचे मनःपूर्वक स्वागत केले व काळमेख परिवाराला धन्यवाद दिले व शासकीय नियमाप्रमाणे सर्व प्रक्रिया पूर्ण करून घेतल्या व काळमेख परिवाराला सन्मानपत्र देऊन सन्मानित करण्यात आले.

या परिवाराच्या संमतीने यकृत, फुफ्फुस, दोन मूत्रपिंड, दोन डोळे व त्वचा दान करण्यात आली. यकृत आणि फुफ्फुसे दीनानाथ मंगेशकर रुग्णालय पुणे, येथे ग्रीन कॉरिडॉर सुविधेसह संपूर्ण पोलीस सुरेक्षेमध्ये पुण्याला पाठविण्यात आली व त्यांची त्वचा नाशिक येथील त्वचा बँकेस तर डोळे डॉक्टर शरद पाटील यांच्या रुग्णालयात पाठवण्यात आले व त्यांचे दोन मूत्रपिंड यांचे गंगा ऋषिकेश हॉस्पिटल येथे तुषार तांदळे व शिल्पा जाधव यांना प्रत्येकी 1 मूत्रपिंड प्रत्यारोपण करण्यात आले. अवयव प्रत्यारोपणाची शस्त्रक्रिया डॉक्टर विपुल गट्टाणी, डॉक्टर संजय रकिबे, डॉक्टर शेटे, डॉक्टर निकम, डॉक्टर चिमोटे, डॉक्टर देवरे, डॉक्टर नीनाद  देशमुख व भाऊसाहेब मोरे यांनी यशस्वीरित्या पार पाडली.नाशिक येथे सर्व बाजूला काळमेख परिवाराच्या निर्णयाचे कौतुक केले जात आहे.