पीसीपीएनडीटी" कायद्याची प्रभावी अंमलबजावणी करावी-जिल्हा शल्य चिकित्सक डॉ.अनिल थोरातपालघर(प्रतिनिधी)

"पीसीपीएनडीटी" कायद्याची प्रभावी अंमलबजावणी करावी

-जिल्हा शल्य चिकित्सक डॉ.अनिल थोरात

पालघर(प्रतिनिधी) 

दि. 24 :- जिल्ह्यात स्त्री भ्रूण हत्या टाळून लिंग गुणोत्तराच्या प्रमाणातील दरी कमी करण्यासाठी "पीसीपीएनडीटी" कायद्याची प्रभावी अंमलबजावणी करण्याची सुचना जिल्हा शल्य चिकित्सक डॉ.अनिल थोरात यांनी संबंधित यंत्रणेला बुधवारी 23 डिसेंबर रोजी केली. पंचायत समिती हॉल पालघर येथे 23 डिसेंबर रोजी पीसीपीएनडीटी व एमटीपी कार्यक्रमांतर्गत कार्यशाळा पार पडली. कार्यशाळेच्या अध्यक्षस्थानी डॉ.अनिल थोरात व डॉ.राजेंद्र केळकर होते त्यावेळी सल्लागार समितीचे सदस्य डॉ.पोसम, डॉ. नारायणकर, श्रीम.वैराळे, तसेच वैद्यकिय अधिक्षक डॉ.मराड, डॉ हेंगणे, डॉ.शंतनु, डॉ.वाणी, डॉ.विश्वकर्मा आदींची उपस्थिती होती. तसेच जिल्हा कायदा सल्लागार अॅड.सीमा साठे यांनी कायद्या संदर्भातील नियम सोनोग्राफी व एमटीपी कशाप्रकारे तपासावे. रेकॉर्ड कसे जतन करावे याबदद्ल मार्गदर्शन केले. तसेच सर्व उपस्थित असलेले अधिकारी यांनीही गर्भलिंग निदान व गर्भपात याबाबत मार्गदर्शन केले. तसेच जिल्हा शल्यचिकित्सक डॉ.अनिल थोरात यांनी पीसीपीएनडीटी कायद्यांतर्गत दर महिन्याच्या 5 तारखेपर्यंत रिपोर्टींग करणे. तसेच सर्व रेकॉर्ड कायदेशीर सांभाळून ठेवणे. प्रसूतिपूर्व गर्भलिंग निदान करणे हे पीसीपीएनडीटी कायद्यानुसार गुन्हा असुन असे कृत्य होताना आढळल्यास आपण 1800-233-4475 या हेल्पलाईन क्रमांकावर तथा www.amchimulgi.com या संकेतस्थळावर तक्रार नोंदविण्याच्या संदर्भात माहिती देण्यात शासनास याबाबत माहिती देणाऱ्यास बक्षिस योजने अंतर्गत रु.1,00,000/- पर्यंत बक्षीस देण्यात येईल असे स्टिकर प्रत्येक केंद्राच्या ठिकाणी लावण्याबाबत सुचना करण्यात आल्या. तसेच अति जिल्हा शल्य चिकित्सक डॉ.राजेंद्र केळकर यांनी जिल्ह्यातील भ्रुणहत्या टाळून लिंग गुणोत्तराच्या प्रमाणातील दरी कमी करण्यासाठी व मुलींचे प्रमाण जास्त असावे याकडे सर्वानी लक्ष देणे आवश्यक आहे. तसेच काळाची गरज असून पीसीपीएनडीटी कायदयाची प्रभावी अंमलबजावणी करण्याच्या सुचना करण्यात आल्या. अशाप्रकारे कार्यशाळा संपन्न झाली .

*******