या मातृभूमीसाठी !
(काव्यगीत)
या मातृभूमीसाठी
खेळ खेळतो गडी जीवाशी
या भारतात माझ्या
नाही तमा पराजयाची,
'गड' राखतो युगा-युगाची
या भारतात माझ्या। । धृ । ।
संस्कार हेच आमचे
रक्षा करी देशाचे
ज्योत निष्ठेची पेटवतो
घर जाळूनी स्वताःचे
स्वदेश प्रेमासाठी
बनवी मशाल रणा-रणाची
या भारतात माझ्या । । १। ।
धडधडत्या स्पंदनांना
जरी वेध दुश्मनांचे
दीन-दुबळ्या जणांना
हृदय लाभते 'सुरांचे'
मानवतेसाठी मन हे
साक्ष देईल क्षणा-क्षणाची
या भारतात माझ्या । । २। ।
दृष्टांत आहे आमुच्या,
येथल्या घरा-घराला
देश रक्षणाच्या कामी,
माय जन्मते वीराला
त्याग भावना भूमीला,
आहे गंध हा कणा-कणाला
या भारतात माझ्या । । ३। ।
©️®️ श्री .वसावे एन.के.
C/04 साई आशिष अपार्टमेंट माहीम रोड,
पालघर (प.)ता.जि.पालघर -401404
📞9923766502
No comments:
Post a Comment