रस्ते बांधणी, दुरुस्ती, इमारतींची पाहणी करण्यासाठी बांधकाम सभापती यांचा पाहणी दौरा

रस्ते बांधणी, दुरुस्ती, इमारतींची  पाहणी करण्यासाठी बांधकाम सभापती यांचा पाहणी दौरा

     पालघर (प्रतिनिधी)पालघर जिल्हा परिषदेच्या बांधकाम विभागामार्फत रस्ते बांधणी, रस्ते दुरुस्ती, अंगणवाडी इमारती बांधकामे व दुरुस्ती, शाळागृह इमारती बांधकामे व दुरुस्ती, प्राथमिक आरोग्य केंद्र बांधकामे व दुरुस्ती, उपकेंद्र बांधकामे व दुरुस्ती अशा प्रकारची कामे केली जातात. या कामांबद्दल स्थानिक लोकप्रतिनिधी, खासदार, आमदार, पत्रकार यांच्या  तक्रारी येत असून  प्रकारच्या   तक्रारीची पडताळणी करुन ज्या ठिकाणी अशा तक्रारी होत असतील अशा ठिकाणी प्रगतीत (सुरु) असलेल्या व पुर्ण झालेल्या अशा सर्व कामांची पहाणी करुन या संदर्भात संबधीत अधिका-यांना योग्य ते मार्गदर्शन करुन अशा प्रकारच्या तक्रारी पुन्हा होणार नाहीत याबाबत काही उपाययोजना करता येईल का , या बाबत दिनांक २८/०१/२०२१ रोजी झालेल्या पालघर जिल्हा परिषदेच्या बांधकाम समितीच्या सभेत बांधकाम समितीचे सभापती काशिनाथ चौधरी यांनी सर्व उप अभियंता यांचेशी सविस्तर चर्चा केली.  या चर्चे दरम्यान लोकप्रतिनिधींकडून निकृष्ठ दर्जाची कामे होत असलेल्या तक्रारी व त्या शंकांच निरसण होणेसाठी व अशा प्रकारच्या तक्रारी वारंवार होणार नाहीत यासाठी उपाययोजना करणेसाठी बांधकाम समिती सभापती यांनी समिती सदस्यांसोबत प्रत्येक तालुक्याला पहाणी दौरा करण्याचे दिनांक २८/०१/२०२१ रोजी झालेल्या बांधकाम समिती सभेत ठराव करणेत आला. हा दौरा तीन टप्यात करावयाचा असुन पहिल्या टप्यात दिनांक ०२/०२/२०२१ रोजी सकाळी १०.०० वाजता वाडा तालुका व त्याच दिवशी दुपारी २.०० वाजता विक्रमगड तालुक्यातील कामांचा पहाणी दौरा करण्याचे ठरले असुन दुसया व तिस-या टप्यात १० फेब्रुवारी अखेर उर्वरीत तालुक्यांचा दौ-या होणार असल्याचे  सभापती  काशिनाथ चौधरी यांनी सांगीतले. सदर पहाणी दौ-याच्यावेळी संबधीत पंचायत समितीमध्ये तालुक्यातील बांधकामा संबधीत सर्व यंत्रणांचे अधिकारी यांचेशी प्रथम अर्धा तास चर्चा करून अपूर्ण असलेली कामे, सुरु असलेली कामे, पुर्ण झालेली कामे व ज्या कामावर तक्रारी आहेत अशी कामे या कामांची प्रत्यक्ष पहाणी समिती करणार असल्याचे यावेळी सांगण्यात आले.या दरम्यान स्थानिक लोकप्रतिनिधी, पत्रकार व इतर तक्रारदारांनी संबंधीत पंचायत समितीच्या ठिकाणी येवून आपल्या तक्रारी किंवा सुचना मांडण्याचे आवाहन करून  दौरा पूर्ण झाल्यानंतर संपूर्ण अहवाल किंवा माहिती वृत्तपत्राद्वारे प्रसिध्द करण्यात येईल असेही यावेळी सांगणेत आले.