*दुचाकी वाहन नोंदणीसाठी नवीन मालिका लवकरच सुरु*

*दुचाकी वाहन नोंदणीसाठी नवीन मालिका लवकरच सुरु*

पालघर(प्रतिनिधी) दि १९: उप प्रादेशिक परिवहन कार्यालय, वसई मु. पो. चंदनसार - भाटपाडा, विरार (पूर्व ) ता. वसई, जि. पालघर  येथे परीवहनेत्तर संवर्गातील दुचाकी वाहन नोंदणीसाठी सध्या BY हि मालिका सुरु आहे.सदर मालिका दि. २१/१२/२०२० पर्यंत संपण्याची शक्यता असल्याने परीवहनेत्तर संवर्गातील दुचाकी वाहन नोंदणीसाठी BZ ही मालिका सुरु करण्यात येणार आहे.

सदर नवीन मालिकेतील आकर्षक किंवा पसंतीच्या वाहन नोंदणी चिन्हासाठी दि. २२/१२/२०२० रोजी सकाळी ११.०० वाजेपर्यंत सर्व संबंधितानी अर्ज सादर करावेत. आकर्षक व पसंती क्रमांकाचे विहित शुल्क आकारून नोंदणी चिन्ह आरक्षित कारण्यात येईल. जर एखाद्या नोंदणी चिन्हासाठी एकापेक्षा जास्त अर्जदारांनी अर्ज केले तर दुसऱ्या दिवशी संबंधित अर्जदारांनी आकर्षक व पसंतीचा नोंदणी क्रमांकाच्या शासकीय शुल्कापोटी पाकीट बंद स्वरूपातील धनाकार्ष या कार्यालयास जमा करावेत. दुसऱ्या दिवशी 4 वाजता त्यांचे समोर सादर केलेले लिफाफे उघडले जातील. ज्याचा सर्वाधिक रकमेचा धनाकर्ष असेल त्यांना नोंदणी चिंन्ह देण्याची कारवाई करण्यात येईल.