अर्हता दिनांकावर आधारीत छायाचित्रासह मतदार यादी विशेष संक्षिप्त पुनरिक्षण कार्यक्रम घोषीत* पालघर (प्रतिनिधी)दि 12 : जिल्हयामध्ये दिनांक ०१/०१/२०२१ या अर्हता दिनांकावर आधारीत छायाचित्रासह मतदार यादी विशेष संक्षिप्त पुनरिक्षण कार्यक्रम घोषीत केला आहे . कार्यक्रमाचे वेळापत्रक खालीलप्रमाणे आहे .

*अर्हता दिनांकावर आधारीत छायाचित्रासह मतदार यादी विशेष संक्षिप्त पुनरिक्षण कार्यक्रम घोषीत*                                 पालघर (प्रतिनिधी)दि 12 :  जिल्हयामध्ये दिनांक ०१/०१/२०२१ या अर्हता दिनांकावर आधारीत छायाचित्रासह मतदार यादी विशेष संक्षिप्त पुनरिक्षण कार्यक्रम घोषीत केला आहे . कार्यक्रमाचे वेळापत्रक खालीलप्रमाणे आहे .

१. एकत्रीकृत प्रारुप मतदार यादयांची प्रसिध्दी, दि .१६ नोव्हेंबर , २०२०(सोमवार)

२.  दावे व हरकती स्विकारण्याचा कालावधी, दि . १६ नोव्हेंबर २०२० (सोमवार) ते दि .१५ डीसेंबर , २०२० ( मंगळवार )

३. विशेष मोहिमांचा कालावधी, दावे व हरकती स्विकारण्याच्या कालावधीत मुख्य निवडणूक अधिकारी , महाराष्ट्र यांनी निश्चित केलेले दोन शनिवार आणि रविवार .

४. दावे व हरकती निकालात काढणे, दि . ०५ जानेवारी , २०२१ ( मंगळवार ) पर्यंत

५. प्रारूप मतदार यादीच्या मापदंडाची तपासणी करणे आणि मतदार यादीच्या अंतिम प्रसिध्दी करिता आयोगाची परवानगी घेणे, दि . १४ जानेवारी , २०२१ ( गुरुवार ) पर्यंत

६. डाटाबेसचे अद्यावतीकरण आणि पुरवणी यादीची छपाई इत्यादी, दि . १४ जानेवारी , २०२१ ( गुरुवार )

७. अंतिम मतदार यादी प्रसिध्दी, दि . १५ जानेवारी , २०२१ ( शुक्रवार )

जिल्हयातील रहिवाश्यांनी दि . १६ नोव्हेबर , २०२० ते दि . १५ डीसेंबर , २०२० या कालावधीमध्ये खालीलप्रमाणे योग्य तो फॉर्म - नमुना नोंदविणेकामी आवाहन करणेत येत आहे . 

१ ) फॉर्म - नमूना नं . ६ - नव्याने मतदार नोंदणी करणे 

२ ) फॉर्म - नमूना नं . ७ - मयत मतदार , कायमस्वरुपी स्थलांतरीत मतदार यांचे मतदार यादीतील नाव वगळणेकामी 

३ ) फॉर्म - नमूना नं . ८ - मतदार यादीतील नावांची किंवा तपशीलाची दुरुस्ती करणेकरिता 

४ ) फॉर्म - नमूना नं . ८ अ - मतदार संघामध्ये स्थलांतर झाले असल्यास नाव नोंदणीकरिता 

दि .०१ जानेवारी , २०२१ या अर्हता दिनांकावर आधारित नव्याने नाव नोंदणी करणेचे शिल्लक असल्यास अशा नवतरुण मतदारांना मा.भारत निवडणूक आयोग , यांनी पुन्हा संधी दिली आहे . त्यामुळे अशा मतदारांनी तसेच इतर काही मतदार आहेत ज्यांची नावातील दुरुस्ती कायमस्वरुपी स्थानात बदल मयत मतदार असे अर्ज संबंधित तहसिलदार कार्यालय , उपविभागीय अधिकारी कार्यालय तसेच मतदान केंद्र स्तरीय अधिकारी यांना नियुक्त केलेल्या ठिकाणी सादर करता येतील . 

मतदार यादया पुनरिक्षण कार्यक्रमाकामी पालघर जिल्हातील सर्व नागरिकांनी तसेच सर्व राजकीय पक्षांनी सहकार्य करणेबाबत डॉ . माणिक गुरसळ , जिल्हाधिकारी तथा  जिल्हा निवडणूक अधिकारी पालघर यांनी आवाहन केले.