भिवंडीत तीन मजली इमारत कोसळून आठ जणांचा मृत्यु: एका लहान मुलासह पाच जणांची सुखरूप सुटका

भिवंडीत तीन मजली इमारत कोसळून आठ जणांचा मृत्यु: एका लहान मुलासह पाच जणांची सुखरूप सुटका

एनडीआरएफच्या जवानांकडून बचाव कार्य सुरू

ठाणे(गिरीश देव): भिवंडी नारपोली  भागातील धामणकर नाका येथील पटेल कॉम्प्लेक्स मधील तीन मजली  जिल्हानि इमारतीचा अर्धा भाग कोसळून आठ जणांचा मृत्यु झाला आहे. याठिकाणी ठाणे आपत्ती व्यवस्थापन विभागाच्या जवानांनी एका लहान बाळासह पाच जणांना  सुखरुप बाहेर काढल्याची माहिती सूत्रांनी दिली .  या इमारतीचा अर्धा भाग पडला असून अर्धा तसाच उभा आहे. इमारतीच्या ढिगाऱ्याखाली अंदाजे 35 व्यक्ती अडकल्याची भीती व्यक्त होत आहे. आज पहाटे ३.४० वाजण्याच्या सुमारास ही घटना घडली. 

याठिकाणी बचावकार्य युद्धपातळीवर सुरू असून घटनास्थळी भिवंडी अग्निशमन केंद्राचे जवान,  ठाणे आपत्ती प्रतिसाद दलाचे  पथक आणि मुबईतील राष्ट्रीय आपत्ती व्यवस्थापन दलाची एक तुकडी बचाव कार्यासाठी कार्यरत आहेत.