उपाध्यक्ष तथा आरोग्य समिती सभापती यांनी घेतलेली आरोग्यविषयक आढावा बैठक संपन्न.

*उपाध्यक्ष तथा आरोग्य समिती सभापती यांनी घेतला आरोग्यविषयक आढावा*

पालघर (प्रतिनिधी)नवनिर्वाचित जिल्हा परिषदेचे उपाध्यक्ष तथा आरोग्य समिती सभापती ज्ञानेश्वर सांबरे  यांच्या अध्यक्षतेखाली पहिलीच आरोग्य समिती सभा आज दि.३०/७/२०२१ रोजी जिल्हा परिषद संकुल सभागृह येथे संपन्न झाली.

 या सभेमध्ये आरोग्य समिती सभापतींनी कोरोना च्या तिसऱ्या लाटेच्या अनुषंगाने जिल्ह्यात प्रशाशनाकडून करण्यात येणाऱ्या उपाययोजना,कोरोना लसीकरण,गर्भवती महिलांचे  लसीकरण, प्रत्येक तालुक्यातील कोरोना ची सद्यस्थिती ,दाखल रुग्ण, एकूण मृत्यू, बरे झालेले रुग्ण याबाबत देखील सविस्तर आढावा घेतला.

   यावेळी सांबरे यांनी जिल्ह्यातील प्रत्येक आदिवासी भागातील जनतेला लस मिळाली पाहिजे त्यादृष्टीने प्रशासनाला मार्गदर्शक सूचना दिल्या.

   तालुका  वैद्यकीय अधिकाऱ्यांकडून तालुक्यातील आरोग्य विषयक परिस्थिती या सभेद्वारे  ज्ञानेश्वर सांबरे यांनी जाणून घेतली.

यावेळी सर्व आरोग्य समिती सदस्य , जिल्हा आरोग्य अधिकारी डॉ.दयानंद सूर्यवंशी,  आणि इतर सर्व अधिकारी उपस्थित होते.