मराठा क्रांती मूक मोर्चा आंदोलन खासदार संभाजीराजे छत्रपती यांच्या उपस्थितीत संपन्न.

मराठा क्रांती मूक मोर्चा आंदोलन खासदार संभाजीराजे छत्रपती यांच्या उपस्थितीत संपन्न.

नाशिक प्रतिनिधी / तुषार बऱ्हे. 

खासदार संभाजीराजे छत्रपती यांनी पुकारलेल्या मराठा क्रांती मूक मोर्चा आंदोलन आज नाशिक येथे गंगापूर रोडवरील रावसाहेब थोरात सभागृहाजवळील मैदानावर सुरु आहे. या आंदोलनासाठी खासदार संभाजीराजे छत्रपती नाशिकमध्ये रविवारी सायंकाळी दाखल झाले होते. त्यांच्या उपस्थितीमध्ये हे आंदोलन सुरु झाले. या आंदोलनात पालकमंत्री छगन भुजबळ, कृषीमंत्री दादा भुसे. विधान सभेचे उपाध्यक्ष नरहरी झिरवळ यांच्यासह खासदार, आमदार यांच्यासह मान्यवरांची उपस्थितीत आहे.

सकाळपासून सुरु असलेल्या या आंदोलनासाठी काळा शर्ट, तोंडाला काळा मास्क परिधान करुन आंदोलनक सामील झाले. तर काही जण काळ्या फिती लावून आंदोलनात सहभागी झाले. मुख्यमंत्री यांच्याबरोबर झालेल्या बैठकीत पुढील आंदोलनाची दिशा नाशिकला ठरवू असे संभाजीराजे यांनी सांगितले होते. त्यामुळे नाशिकच्या या आंदोलनाकडे सर्वांचे लक्ष लागले आहे. या आंदोलनाबरोबरच नाशिकमध्ये राज्यभरातील समन्वयकांची बैठकही होणार आहे. त्यात आंदोलनाची पुढील दिशा ठरवली जाणार आहे.

आज सुरु असलेल्या मूक मोर्चात उपस्थितीत मान्यवर आपले मनोगत व्यक्त करत आहे..

या आंदोलनात पालकमंत्री छगन भुजबळ यांनी या आंदोलनाला पाठींबा देत आपली भूमिका मांडली

पालकमंत्री छगन भुजबळ

- मराठा समाजाला हक्काचं आरक्षण मिळाले पाहिजे यात कुणाच्याही मनात दुमत नाही.

- मराठा समाज आणि ओबीसीं समाज दोघेही अडचणीत

- मराठा समाजाला विरोध करण्यासाठी ओबींसींचा आक्रोश मोर्चा नाही

- काही जण मराठा समाज आणि ओबीसीमध्ये वितुष्ट निर्माण करण्याचे प्रयत्न करत आहेत

- सुप्रीम कोर्टाने मराठा समाजाचे आरक्षण नाकारले, तर ओबीसींचे होतं ते रद्द केले

- सर्वांना एकत्र येऊन लढले पाहिजे

- मराठा आरक्षणासाठी कोर्टात लढतांना केंद्र सरकारची मदत गरजेची

- चर्चेशिवाय मार्ग नाही

- मी तुमच्या बरोबर आहे