विरार - नालासोपारा पावसाळ्यातील समस्या ?मा. खासदार राजेंद्र गावीत साहेबांनी केली पाहणी .

विरार - नालासोपारा पावसाळ्यातील समस्या ?

मा. खासदार राजेंद्र गावीत साहेबांनी केली पाहणी .

विरार ( हिरालाल लोखंडे  ) सुमारे आठ ते दहा दिवसापासून संततधार पडणाऱ्या पावसामुळे व वसई - विरार - नालासोपारा भागाचे  मोठ्या प्रमाणात शहरीकरण झालेल्या सखल भागातील, पाण्याचा नैसर्गिक रीतीने वाहून जाण्यासाठी असलेले नैसर्गिक प्रवाह मार्ग ( नाले , मोठ्या गटारी  ) बंद झाल्याने, शहरांतील सखल भागात पाणी साचून राहत असल्याने, तेथे राहत असणार्‍या लोकांचे जनजीवन विस्कळीत झाले आहे.

 अतिवृष्टीमुळे नालासोपारा शहरातील तुंबलेल्या पाण्यामुळे नागरिकांचे झालेले मालमत्तेचे नुकसान - झालेली गैरसोय, दूर करण्यासाठी व कोणत्या उपाययोजना त्वरीत करता येतील. जेणेकरून पावसाळी पाण्याचा निचरा जलदगतीने होउन शहरी भागातील नागरिकांना पूरपरिस्थितीला सामोरे जावे लागणार नाही. या बाबत दिनांक १८ जुन २०२१ रोजी मा. राजेंद्र गावीत खासदार पालघर यांनी वसई - विरार महानगरपालिका अभियंते व सक्षम अधिकारी वर्गासह पाणी निचरा न होणार्‍या भागाची पाहणी करून ,योग्य त्या सुचना वजा आदेश दिले. 

    आचोळे - नालासोपारा पुर्व येथील जया पॅलेस भागातील समस्या, पावसाळी पाण्याचा निचरा योग्य रितीने न होणे, नागरिकांच्या मालमत्तेचे होणारे नुकसान तसेच वाहतूक व्यवस्थेला होणारे अर्थिक नुकसान या संर्दभात माहिती व निवेदन, श्री प्रदीप सावंत- शिवसेना शहर प्रमुख, रोहन चव्हाण - युवासेना विधानसभा अधिकारी यांच्या शिष्टमंडळाच्या वतीने मा. खासदार साहेबांना देण्यात आले. या वेळी श्री किरण चेंदवणकर - जिल्हा संघटक, श्री विनायक निकम - वाहतूक सेना उपजिल्हा संघटक, उपजिल्हा प्रमुख, प्रवीण म्हाप्रळकर, नविन दुबे, पंकज देशमुख, सुरेंद्र सिंह, भरत देवघरे, मलर वणन, कुणेश्वर शर्मा, विनोद  पार्टे, दिपाली राणे - महिला आघाडी विभाग संघटक, अनिता शिवकर - उपविभाग संघटक, तसेच मान्यवन - प्रतिष्ठित नागरिक, अनेक शिवसैनिक, युवा शिवसैनिक आजी -  माजी शिवसेना पदाधिकारी उपस्थित होते