महिंद्रा अँड महिंद्रा कंपनीतील १४ दिवसांपासून कामावरून बाहेर काढलेल्या २१४ कामगारांना अखेर महाराष्ट्र नवनिर्माण सेनेच्या हस्तक्षेपाने कामावर केले पुन्हा रुजू.
नाशिक प्रतिनिधी / तुषार बऱ्हे.
ईगतपुरी:- ईगतपुरी येथील महिंद्रा अँड महिंद्रा कंपनीतील २१४ कामगारांना कामावरून काढून टाकले होते यावेळी या कामगारांनी महाराष्ट्र नवनिर्माण सेनेचे कामगार सेनेचे प्रदेश सरचिटणीस सचिन गोळे यांची भेट घेऊन महाराष्ट्र नवनिर्माण सेनेच्या युनियन ची स्थापना करण्यात आली होती. आज ईगतपुरी येथील महिंद्रा अँड महिंद्रा कंपनीच्या प्लांटला महाराष्ट्र नवनिर्माण सेनेचे सचिन भाऊ गोळे व नाशिक जिल्ह्यातील पदाधिकारी यांनी कंपनीला भेट देऊन कंपनीतील मॅनेजमेंट सी कामगारांना कामावरून कमी केल्याबद्दल जाब विचारला व कामगारांना लवकरात लवकर कामावर घेऊन सर्व कामगारांना शासकीय नियमानुसार पगार व सर्व सुविधा देण्यात यावा अन्यथा महाराष्ट्र नवनिर्माण सेना मोठ्या प्रमाणात जन आंदोलन उभे करेल यावेळी धुळे महिंद्रा अँड महिंद्रा कंपनीत मॅनेजमेंट व महाराष्ट्र नवनिर्माण कामगार सेनेचे प्रदेश सचिव सचिन गोळे व पदाधिकारी यांच्यात चर्चा होऊन सर्व कामगारांना उद्यापासून कामावर घेऊन शासकीय नियमानुसार सर्व सुविधा कामगारांना दिल्या जातील अशी लेखी हमी दिली. यावेळी महाराष्ट्र नवनिर्माण कामगार सेनेचे सचिव सचिन गोळे, मनसेचे नाशिक जिल्हा अध्यक्ष दिलीप भाऊ दातीर मनसेचे उपतालुका अध्यक्ष भोलेनाथ चव्हाण मनविसे तालुका अध्यक्ष प्रताप जाखेरे ईगतपुरी शहर अध्यक्ष सुमित बोधक विद्यार्थी सेनेचे अध्यक्ष राज जावरे आदी पदाधिकारी उपस्थित होते. यावेळी कामगारांनी या निर्णयाचे स्वागत करुन आनंद व्यक्त केला यावेळी सर्व कामगारांनी महाराष्ट्र नवनिर्माण कामगार सेनेचे सचिव सचिन गोळे व सर्व पदाधिकारी चे आभार मानले व कामगारांच्यावतीने सर्वच पदाधिकाऱ्यांचा सत्कार केला.
No comments:
Post a Comment