कोविड-19 मध्ये अनुसूचित जातीच्या कुटुंब प्रमुखाचा मृत्यु झाला आहे अश्यांनी
कुटुंबाचे पुर्नवसन करण्यारिता (व्यवसाय कर्ज योजना) 30 जून पर्यंत अर्ज करावे
पालघर (प्रतिनिधी)दि. 29: एनएसएफडीसी नवी दिल्ली यांच्या माध्यमातून महात्मा फुले मागासवर्ग विकास महामंडळ यांच्यामार्फत कोविड-19 या जागतिक महामारीत अनुसूचित जातीच्या कुटुंबप्रमुखाचा मृत्यु झाला आहे. त्या कुटुंबियाचे पुनर्वसन करण्यासाठी and Support for Marginalized Individuals for Livelihoods Enterprie (SMILE) ही व्यवसायासाठी कर्ज देण्याची योजना विचाराधीन आहे. सदर योजनेची माहीती आणि अटी व शर्ती पुढील प्रमाणे आहे.
तपशील/प्रकल्प मूल्य - रूपये 1.00 लाख ते 5.00 लाखापर्यंत, एनएसएफडीसी सहभाग- 80%, भांडवल अनुदान- 20%, व्याजदर- 6% परतफेडीचा कालावधी- 6 वर्षे सदर योजनेसाठी खालीलप्रमाणे पात्रता राहिल.
1) अर्जदार अनुसूचित जातीतील असावा. 2) अर्जदाराचे वार्षिक उत्पन्न रुपये 3.00 लाख पर्यंत असावे. 3) अर्जदार हा कोरोनामुळे मृत्यु पावलेल्या कुटुंब प्रमुखाच्या कुटुंबातील सदस्य असावा (कुटुंब प्रमुखाच्या रेशनकार्डवर सदर सदस्याचे नाव असणे बंधनकारक) 4) मृत्यु पावलेल्या व्यक्तीची वयोमर्यादा 18 ते 60 च्या दरम्यान असावी. मृत्यु पावलेल्या कुटुंब प्रमुखाची मिळकत कुटुंबाच्या एकूण मिळकतीपेक्षा जास्त असणे आवश्यक आहे. 5) कोरोनामुळे मृत्यु पावलेल्या व्यक्तींकरिता पुढील पैकी एक दस्तावेज आवश्यक आहेत. अ) महानगर पालिका/नगरपालिका यांनी दिलेले मृत्यु प्रमाणपत्र आ) स्मशानभूमी प्राधिकरणारे दिलेली पावती इ) एखादया गावात स्मशानभूमी नसल्यास गट विकास अधिकाऱ्याने दिलेले मृत्यु प्रमाणपत्र
आवश्यक कागदपत्रे :
1) मयत व्यक्तीचे नाव पत्ता 2) आधारकार्ड 3) उत्पनाचा दाखला (3.00 लाखा पर्यंत) 4) कोविड- 19 मुळे मरण पावलेल्या व्यक्तीचा मृत्युचा दाखला 5) वयाचा पुरावा 6) रेशन कार्ड.
कोविड-19 च्या प्रादुर्भावामुळे 15 जून 2021 पर्यंत मृत्यु झालेल्या अनुसूचित जातीतील (SC) कुटुंबातील व्यक्तीने उपरोक्त वरील माहीती महामंडळाच्या जिल्हा कार्यालयात अथवा ह्या लिंकवर https://forms.gle/७mG८CMecLknWGt६K7 दिनांक 30/06/2021 पर्यंत भरण्यात यावी. असे आवाहन महात्मा फुले मागासवर्ग विकास महामंडळ (मर्या.) जिल्हा व्यवस्थापक, पालघर यांनी कळविले आहे.
No comments:
Post a Comment