प्रजासत्ताक दिनानिमित्त " केळवा सागरी पोलिस ठाणे " रक्तदान शिबिर संपन्न

प्रजासत्ताक दिनानिमित्त " केळवा सागरी पोलिस ठाणे " रक्तदान शिबिर संपन्न 

सफाळे -- हिरालाल लोखंडे  जगात विसाव्या शतकात कोव्हीडा  १९ या महामारीने थैमान मांडले असून त्यांचा प्रभाव कमी होत असलातरी, जागृतता हि काळाची गरज आहे. तेच काम   पोलिस अधिकारी - कर्मचारी वैद्यकीय क्षेत्रातील डॉक्टर -- कर्मचारी यांच्या सहकार्यांने होत आहे. प्रत्येक ठिकाणी पैशाने कामे होतातच असे नांही तर माणुसकी -- प्रेम -- भावना महत्त्वांच्या असतात. कोणत्याही प्रिय -- अप्रिय घटना घडली, घटनास्थळी मदतीसाठी " प्रथम " धावणारे आपले पोलिस बांधव." कोव्हीडा १९ च्या काळात किंवा कोणत्याही प्रसंगात पोलिस बांधव स्वतःचा किंवा आपल्या कुटूंबातील व्यक्तीचा विचार न करता ( कोव्हीडा १९ वेळी सर्व राजकीय - सामाजिक स्वयंघोषित  कार्यकर्ते- घरीच बसलेले - सर्वच नाही ) प्रथम कर्तव्याला प्राधान्य देत कर्तव्य करीत होते. तरीही काही समाजकंटक स्वार्थासाठी नियमानुसार कामे केली असता, तरी खाकी वर्दी कडे वाकडे बोटे करीत होते. काही महाभाग वेळप्रसंगी हात उचलीत असल्याचे दिसुन येत होते, तरीही खाकी वर्दीत कर्तव्य निष्ठ पणा, माणुसकीचा ओलावा आसलेला माणूस असतो हे दाखवून दिले आहे.  

     दिनांक २६ जानेवारी २०२१ रोजी प्रजासत्ताक दिनानिमित्त केळवा सागरी पोलिस ठाणे येथे मा. पोलिस अधिक्षक - सो,पालघर, अप्पर पोलिस अधिक्षक - सो पालघर, मा.  पोलिस उप- अधिक्षक सो पालघर, उपविभागीय पोलिस अधिकारी पालघर यांनी दिलेल्या सुचने प्रमाणे सदर रक्तदान शिबिर आयोजित करुन यशस्वी रित्या पार पाडले. 

     केळवा सागरी पोलिस ठाणे प्रभारी अधिकारी श्री भीमसेन गायकवाड यांनी रक्तदानाचे महत्व कर्मचारी वर्गास सांगितले, स्वतः रक्तदान करून, रक्तदाचे यांचा उत्साह वाढवून ३३० रक्तदाते कडुन रक्त संकलन केले. 

   केळवा सागरी पो, ठाणे अधिकारी गायकवाड साहेब यांनी कमी कालावधीत सुरक्षित प्रवासासाठी मार्गदर्शन करून, हेल्मेट सक्तीचे का ?, बाईक चालविताना मोबाईल वर बोलणे का टाळावे, त्यांचे परिणाम समजून सांगितले, आव्हाने केली,. एकतेचा संदेशही दिला. या मुळे जनतेला ते आपलेसे वाटू लागले आहेत.  

  रक्तदान शिबिरात जिल्हा परिषद सदस्य ,पंचायत समिती सदस्य,पोलीस पाटील, महिला दक्षता समिती सदस्य, सागरी सुरक्षा कमिटी सदस्य, शांतता कमिटी सदस्य, पोलिस ठाणे विभागात येणाऱ्या ग्रामपंचायती - सरपंच - उपसरपंच - ग्रा.पं.सदस्य,प्रतिष्ठित नागरिक तरूण वर्ग यांनी एकत्र ऐऊन रक्तदान केले त्यांना " रक्तदाता सन्मान पत्र " देऊन सन्मानित करण्यात आले, तसेच भेट म्हणून टी शर्ट देण्यात आले.