मोहन पुरम परिसरात नागरिक कट्टा आणि सेल्फी पॉईंटचे लोकार्पण

मोहन पुरम परिसरात नागरिक कट्टा आणि सेल्फी पॉईंटचे लोकार्पण

*मनसे आमदार राजू पाटील यांच्या हस्ते झाले लोकार्पण*

*मनसे नगरसेविका अपर्णा कुणाल भोईर आणि मनसे शहराध्यक्ष कुणाल भोईर यांची संकल्पना*

अंबरनाथ(प्रतिनिधी) : अंबरनाथच्या मोहन पुरम परिसरात नागरिकांसाठी विरंगुळा कट्टा आणि सेल्फी पॉईंट उभारण्यात आला आहे. या कट्ट्याचे लोकार्पण शनिवारी मनसेचे आमदार राजू पाटील यांच्या हस्ते करण्यात आले. मनसे नगरसेविका अपर्णा कुणाल भोईर आणि मनसे शहराध्यक्ष कुणाल सुभाष भोईर यांच्या माध्यमातून हा कट्टा उभारण्यात आला असून दिवंगत साहित्यिक प्रा. अरुण मैड सर यांचे नाव या कट्ट्याला देण्यात आले आहे. कानसई मोहनपूरम प्रभागाला स्वच्छता सर्वेक्षणात सर्वात स्वच्छ प्रभागाचे दुसऱ्या क्रमांकाचे बक्षीस मागील वर्षी मिळाले होते. त्यातून आधी स्वातंत्र्यवीर सावरकर उद्यानाची निर्मिती कानसई दत्तमंदिर परिसरात करण्यात आली होती. त्यानंतर आता मोहनपूरम भागात हा ज्येष्ठ नागरिक कट्टा आणि सेल्फी पॉईंटची निर्मिती अपर्णा भोईर आणि कुणाल भोईर यांच्या माध्यमातून करण्यात आली आहे.

कानसई परिसर, मोहनपूरम या भागात नागरिकांना संध्याकाळी विरंगुळा म्हणून बसण्यासाठी कट्टा नव्हता. त्यामुळे हा कट्टा उभारण्यात आला आहे. तर सेल्फी पॉईंटमुळे या परिसराच्या सौंदर्यात भर पडणार आहे. शनिवारी मनसे आमदार राजू पाटील यांच्या हस्ते ठाणे जिल्हाध्यक्ष अविनाश जाधव यांच्या उपस्थितीत हा कट्टा आणि सेल्फी पॉइंटचे लोकार्पण करण्यात आले. यावेळी कुणाल भोईर यांच्या प्रभागात आल्यानंतर दरवेळी काहीतरी कल्पकतेने उभारलेल्या, सौंदर्यदृष्टीने उभारलेल्या गोष्टी पाहायला मिळतात, असे म्हणत आमदार राजू पाटील यांनी अपर्णा भोईर आणि कुणाल भोईर यांचे कौतुक केले. तर आपण १० वर्षे जो विश्वास दाखवलात, तो यापुढेही दाखवाल, असा विश्वास मनसे शहराध्यक्ष कुणाल भोईर यांनी नागरिकांशी बोलताना व्यक्त केला. या कार्यक्रमाला मनसे जिल्हा संघटक हर्षद पाटील, संदीप लकडे, विद्यार्थी सेनेचे शहराध्यक्ष धनंजय गुरव, विजय इंगळे, योगेश भोईर यांच्यासह कानसई मोहनपुरम परिसरातील अनेक नागरिक उपस्थित होते.

*रहिवाशांनी मानले आमदार राजू पाटील यांचे आभार*

या कार्यक्रमात मोहनपुरम आणि स्वामी देवप्रकाश गार्डन भागातील रहिवाशांनी मनसे आमदार राजू पाटील यांचे आभार मानले. काही दिवसांपूर्वीच या भागातील जमिनींवर असलेल्या वनविभागाच्या नोंदी हटवण्यात आल्या होत्या. त्यामुळे या इमारतींची जागा सोसायटीच्या नावावर होऊन पुनर्विकासातील अडथळे आणि अन्य अडचणी दूर होणार आहेत. यासाठी मनसेचे आमदार राजू पाटील यांनी मोठा पाठपुरावा केला होता. त्यामुळे मोहनपूरम आणि स्वामी देवप्रकाश गार्डनमधील रहिवाशांनी आमदार राजू पाटील यांचे आभार मानले.

यावेळी स्वामी देवप्रकाश संकुलातील चेअरमन क्रीश्णन,सेक्रेटरी भरत रामनानी,वसंत कांबळे,प्रकाश तुलसानी, मोहन पुरम संकुलाचे चेअरमेन हेमंत सातदिवे साहेब,आकाश यादव,रवी मिश्रा 

*नगरसेविका अपर्णा भोईर यांची लाठीकाठी*

नगरसेविका अपर्णा भोईर यांच्या माध्यमातून कानसई परिसरात महिला आमी मुलींसाठी लाठीकाठी प्रशिक्षण सुरू करण्यात आले आहे. या महिला आणि मुलींनी कार्यक्रमाच्या ठिकाणी लाठीकाठीचे प्रात्यक्षिक दाखवले. विशेष म्हणजे नगरसेविका अपर्णा यांनीही याठिकाणी लाठीकाठी चालवत उपस्थितांना आश्चर्याचा धक्का दिला. आमदार राजू पाटील यांनीही अपर्णा भोईर यांचे यावेळी विशेष कौतुक केले.

----------------------------------------------