मल्हार प्रतिष्ठान मुंबई द्वारा मायेचे पांघरुण

मल्हार प्रतिष्ठान मुंबई द्वारा मायेचे पांघरुण 

सफाळे - (हिरालाल लोखंडे)  

करोना प्रादुर्भाव काळात अनेकांना आपल्या नोकर्‍या गमवाव्या लागल्या, अनेकांचे रोजगार बुडाले अश्या काळात पालघर जिल्ह्यातील अनेक आदिवासी, मोलमजुरी करणारे बांधवांचे हातावर पोट असल्याने त्यांच्या आर्थिक नाड्या आवळल्या, सर्वसामान्य जनतेच्या हाल अपेष्टा वाढल्या, त्यातच हिवाळा ऋतू - असल्याने थंडीत गारठून दिवस काढत असताना " मल्हार प्रतिष्ठान मुंबई " द्वारा -- जागृत संस्था --- सामाजिक कार्यकत्यांनी  "मायेचे पांघरुण -- मायेची ऊब " या उपक्रमाअंतर्गत ग्रामपंचायत तांदुळवाडी येथील आदिवासी पाडा " उचावली " येथे ब्लँकेट - कपडे - जीवनावश्यक वस्तू - मास्क आदी मल्हार प्रतिष्ठान  मुंबई यांच्या सौजन्याने ग्रामस्थांना  मोफत वाटप करण्यात आले 

     मल्हार प्रतिष्ठान मुंबई गेली सतत ४ वर्षे विविध ठिकाणी सामाजिक कार्य करीत असून, या  संस्थे मार्फत आजपर्यंत ८० ते ९० मोफत आरोग्य शिबिरे आयोजित करून अंधशाळा, वृद्धाश्रम, कर्करोग रुग्ण, आदींना आपुलकीचा एक हात देत आहे. असे श्री रमेश सोनावणे - संस्थापक अध्यक्ष यांनी बोलताना  सांगितले. श्री गणेश काळे -संस्थेचे  सचिव यांनी भविष्यात संस्थे मार्फत असे अनेक उपक्रम राबविण्यात येणार असे भाकीत केले. 

    कार्यक्रम यशस्वी करण्यासाठी  सौ उज्ज्वला जैन उपसरपंच तांदुळवाडी, श्री सुजित पाटील पोलिस पाटील तांदुळवाडी, श्री प्रतिक पंडीत -सामाजिक कार्यकर्ते यांनी मोलाचे कार्य केले श्री रमेश सोनवणे -अध्यक्ष मल्हार  प्रतिष्ठान, श्री यशवंत मुणगेकर -सरचिटणीस, श्री उमेश सोनवणे - खजिनदार ,श्री शिवाजी सोळस्कर - उपाध्यक्ष जगदीश भाई , संतोष सपकाळ ,आदि मान्यवर कार्यक्रमाला उपस्थित होते तर सफाळे पोलीस स्टेशनचे कार्यरत कर्मचारी श्री विशाल वसावे, श्री शिवपाल प्रधाने यांनी " खाकी वर्दितही दर्दी "असतो कार्यक्रमात हजेरी लावून जनतेस दाखवून दिले. ग्रामस्थांनी संस्थेचे व यांचे प्रमुख पाहुणे मनोमन आभार मानले.