*अनुकंपातत्वावरील सामायिक प्रतिक्षासूची संबंधित उमेदवारांच्या निदर्शनास आणून देण्याबाबत जिल्हाधिकारी यांचे निर्देश* पालघर(प्रतिनिधी)

*अनुकंपातत्वावरील सामायिक प्रतिक्षासूची   संबंधित उमेदवारांच्या निदर्शनास आणून  देण्याबाबत जिल्हाधिकारी  यांचे निर्देश*                                                  पालघर(प्रतिनिधी) दि :  17 :   नियुक्ती प्राधिकारी , विभाग प्रमुख ,कार्यालय प्रमुख यांनी  अनुकंपा तत्वावरील याद्या आपल्या विभाग / कार्यालयातील अभिलेखावरुन पडताळणी करुन  सर्व संबंधित उमेदवारांच्या निदर्शनास आणून देण्याचे निर्देश जिल्हाधिकारी डॉ. माणिक गुरसाळ यांनी सर्व विभाग/कार्यालय प्रमुख यांना दिले.  तसेच या याद्या पालघर जिल्हयाच्या संकेतस्थळावरती (वेबसाईट) प्रसिध्द करण्यात येणार आहेत.                                     शासन निर्णय दिनांक २२.०८.२००५ मधील तरतूदीनुसार जिल्हाधिकारी हे  प्रत्येक सहा महिन्यामध्ये जानेवारी व जुलै  मध्ये त्यांचेकडील अनुकंपा तत्वावर नियुक्ती देणेबाबतच्या सामायिक प्रतिक्षासूचीचा आढावा घेऊन दरम्यानच्या कालावधीतील नियुक्ती मिळालेल्या उमदेवारांची नावे वगळून त्यांच्याकडील सामायिक प्रतिक्षासूची अद्ययावत करतील यासाठी त्यांच्या कार्यक्षेत्रातील सर्व कार्यालयातील प्रतिक्षासूचीचा आढावा घेऊन समन्वयाचे काम करतील अशी तरतूद आहे.

        पालघर जिल्हयातील विविध शासकीय विभाग/कार्यालयातील गट-क व गट-ड संवर्गातील दिवंगत शासकीय कर्मचाऱ्यांच्या अनुकंपा उमेदवारांची सामायिक प्रतिक्षासूची सर्व नियुक्ती प्राधिकारी/विभाग प्रमुख/कार्यालय प्रमुख यांनी सदर प्रतिक्षा याद्या आपल्या विभाग / कार्यालयातील अभिलेखावरुन पडताळणी करणेबाबत तसेच सर्व संबंधित उमेदवारांच्या निदर्शनास आणून देणेबाबत निर्देश जिल्हाधिकारी डॉ. माणिक गुरसाळ यांनी सर्व विभाग/कार्यालय प्रमुख यांना दिले आहेत.