जि.प.पालघरदि.२५/११/२०२०*GPDP प्रमाणे निधीचं वाटप झाल्यास जिल्ह्याचा विकास कोणी रोखू शकणार नाही-उपाध्यक्ष निलेश सांबरे*

जि.प.पालघर

दि.२५/११/२०२०

*GPDP प्रमाणे निधीचं वाटप झाल्यास जिल्ह्याचा विकास कोणी रोखू शकणार नाही-उपाध्यक्ष निलेश सांबरे*

  

    पालघर (प्रतिनिधी)आमचा गाव आमचा विकास उपक्रमा अंतर्गत ग्रामपंचायत विकास आराखड्या प्रमाणे निधीचे वाटप झाले तर पालघर जिल्ह्याचा विकास कोणी रोखू शकणार नाही, असे प्रतिपादन आज पालघर जि. प. उपाध्यक्ष निलेश सांबरे यांनी केले. जिल्हा परिषद पालघर ग्रामपंचायत विभागामार्फत राष्ट्रीय ग्रामस्वराज्य अभियान अंतर्गत 'आमचा गाव आमचा विकास' उपक्रमाअंतर्गत ग्रामपंचायत विकास आराखडा तयार करणेबाबत सर्व जि प सदस्यांचे एक दिवसीय प्रशिक्षण कार्यशाळेचे उद्घाटन आज उपाध्यक्ष सांबरे यांच्या हस्ते बोरगाव हॉटेल हिलझिल येथे करण्यात आले ,त्यावेळी ते बोलत होते . यावेळी वित्त सभापती काशिनाथ चौधरी, बांधकाम सभापती विष्णू कडव, जि. प. सदस्य राजेश मुकणे,  मनीषा निमकर, ज्योती पाटील  व जिल्हा परिषदेचे सदस्य यांच्या प्रमुख उपस्थितीत हे उद्घाटन करण्यात आले.

 ७३ वर्षापासून जिल्ह्याचा विकास थांबलेला आहे व त्याला चालना मिळणे आवश्यक असून सर्व लोकप्रतिनिधी हे अभ्यासू आहेत, गुणवत्तेने काम करण्याकडे त्यांचा कल आहे,  त्यामुळे सर्व यंत्रणांनी समन्वयाने काम केले तर इतिहासात पालघर जिल्ह्याची नोंद होईल याची मला खात्री आहे ,असे मतही या वेळी उपाध्यक्ष निलेश सांबरे यांनी व्यक्त केले.

   हे प्रशिक्षण सदस्यां साठी उपयुक्त असून गाव विकास आराखड्यात सदस्यांची भूमिका महत्वाची आहे. असे मत अति.मु.का.अ.चंद्रकांत वाघमारे यांनी व्यक्त केले.

  टी.ओ.चव्हाण उपमुख्य कार्यकारी अधिकारी (ग्रा.प) यांनी आपल्या प्रास्ताविकात ग्राम विकास आराखडा तयार करताना त्यातील सदस्यांचा सहभाग, भूमिका व जबाबदाऱ्या, सभेचे प्रकार,१५ व्या वित्त अयोगातून मिळणाऱ्या निधीचा आराखडा तयार करणे इ बाबत विस्तृत स्पष्टीकरण दिले.

 या एकदिवसीय कार्यशाळेत जीपीडीपी मागोवा , ग्राम सूची ,मानव विकास  व शाश्‍वत विकास, जीपीडीपी आराखडा नियोजन, प्रक्रिया संसाधन गटकार्य महत्व व भूमिका ,ग्रामसभेची तयारी, जीपीडीपी प्रक्रिया ग्रामपंचायत संसाधने, परिस्थितीचे विश्लेषण, लोकसहभाग गावावर आधारित नियोजन प्रक्रिया,जीपीडीपी च्या माध्यमातून आदर्श गाव संकल्पना राबवणे, यंत्रणांची भूमिका कर्तव्य व जबाबदारी , जीपीडीपी आराखडा निर्मिती प्रक्रिया टप्पेनिहाय माहिती, ग्रामपंचायत विकास आराखड्याची अंमलबजावणी, इ व अनेक विषयांवर या कार्यशाळेत प्रशिक्षण देण्यात येणार आहे.

    यशदा येथील प्रवीण प्रशिक्षण नागेश्वर संखे,नरेश बरफ,यांच्या मार्फत हे प्रशिक्षण देण्यात आले.