डहाणू, बोईसर, पालघर व वसई या रेल्वे स्टेशनवर येणाऱ्या प्रवाशांची कोविड-१९ तपासणी करणेकामी समन्वय अधिकाऱ्यांची नेमणूक

डहाणू, बोईसर, पालघर व वसई या रेल्वे स्टेशनवर येणाऱ्या प्रवाशांची 

कोविड-१९ तपासणी करणेकामी समन्वय अधिकाऱ्यांची नेमणूक

पालघर (प्रतिनिधी)पालघर दि 25 :- राज्य शासनाने कोरोना विषाणूचा (कोविड-१९) प्रादुर्भाव रोखण्यासाठी राज्यात साथरोग प्रतिबंधात्मक कायदा १८९७ दिनांक १३ मार्च, २०२० पासून लागू करुन खंड २,३ व ४ मधील तरतुदीनुसार अधिसूचना निर्गमित केलेली आहे. सदर शासन अधिसूचनेच्या नियम १० नुसार जिल्हाधिकारी पालघर यांना पालघर जिल्हयाच्या कार्यक्षेत्रात कोव्हिड-१९ वर नियंत्रण आणण्यासाठी व त्याचा प्रादुर्भाव रोखण्यासाठी सक्षम प्राधिकारी म्हणून घोषित केले आहे. राज्यामध्ये दिल्ली, राजस्थान, गुजरात व गोवा येथून येणाऱ्या प्रवासांची कोविड-१९ च्या अनुषंगाने तपासणी करणेकामी कार्यप्रणाली (SOP) नुसार मार्गदर्शक सूचना दिलेल्या आहेत. सदर मार्गदर्शक सूचनांच्या अनुषंगाने पालघर जिल्हयातील डहाणू, बोईसर, पालघर व वसई या रेल्वे स्टेशनवर दिल्ली, राजस्थान, गुजरात व गोवा येथून येणाऱ्या प्रवाशांची कोविड-१९ च्या अनुषंगाने तपासणी करणेकामी समन्वय अधिकारी म्हणून नेमणूक करणे आवश्यक आहे.

त्याअर्थी मी, डॉ माणिक गुरसळ, जिल्हाधिकारी पालघर मला आपत्ती व्यवस्थापन अधिनियम, २००५ व महाराष्ट्र कोव्हिड १९ उपाययोजना नियम, २०२० चा नियम १० नुसार प्रदान करण्यात आलेल्या अधिकारान्वये पालघर जिल्हयातील डहाणू, बोईसर, पालघर व वसई या रेल्वे स्टेशनवर दिल्ली, राजस्थान, गुजरात व गोवा येथून येणाऱ्या प्रवाशांची कोविड-१९ च्या अनुषंगाने तपासणी करणेकामी समन्वय अधिकारी (Nodal Officer) म्हणून खालील अधिकाऱ्यांची नेमणूक करीत आहे.

अधिकाऱ्याचे नांव व पदनाम, कार्यालयाचे नांव, व नेमणूक केलेल्या रेल्वे स्टेशनचे नांव पुढील प्रमाणे :

1) श्री. प्रदीप जांभळे पाटील, सहायक आयुक्त - वसई विरार शहर महानगर- पालिका, विरार - वसई

2) श्री. चंद्रशेखर जगताप, गट विकास अधिकारी - पंचायत समिती पालघर - बोईसर

3) श्रीम, स्वाती देशपांडे, मुख्याधिकारी - पालघर नगर परिषद - पालघर

4) श्री.सोहम गुरव, प्रशासकीय अधिकारी - डहाणू नगर परिषद – डहाणू

१) वर नियुक्त केलेल्या समन्वय अधिकाऱ्यांनी (Nodal Officer) यांनी त्यांना नेमणूक केलेल्या रेल्वे स्टेशनला दिल्ली, राज्यस्थान व गुजरात येथून येणार्या प्रवासांची कोविड-१९ च्या अनुषंगाने तपासणी करण्याकामी संयुक्त पथकांची नेमणूका कराव्यात.

२) सदर पथकामध्ये आरोग्य विभागातील अधिकारी/कर्मचारी यांचा समावेश करावा. तसेच Thermal Scanner / Gun उपलब्ध करुन द्यावेत.

३) दिल्ली, राज्यस्थान व गुजरात येथून येणाऱ्या प्रवाशांच्या व कोविड- १९ बाधित असल्याची लक्षणे असलेल्या प्रवाशांच्या नोंदी ठेवाव्यात.

४) कोविड-१९ लक्षणे असलेल्या प्रवाशांची Antigen Test Positive आल्यास नजीकच्या कोविड केअर सेंटर (CCC) येथे पाठविण्याची व्यवस्था करावी.

५) नेमणूक केलेल्या रेल्वे स्टेशनला येणाऱ्या रेल्वे बाबत संबंधित स्टेशन प्रबंधक यांचेशी समन्वय साधावा.

सदरचा आदेश हे या कार्यालयाच्या पुढील आदेशापर्यंत अंमलात राहतील. 

उक्त आदेशाची अंमलबजावणी तात्काळ करण्यात यावी. सदरहू आदेशाची अंमलबजावणी करण्यास संबंधितांनी टाळाटाळ केल्यास अथवा विरोध दर्शविल्यास संबंधितांचे विरुध्द आपत्ती व्यवस्थापन अधिनियम २००५ मधील ५१(b), भारतीय दंड संहिता (४५ ऑफ १८६०) च्या कलम १८८ व साथ रोग नियंत्रण अधिनियम १८९७ नुसार दंडनिय/कायदेशीर कारवाईस पात्र राहील.

****************