. *10 वी आणि 12 वीच्या परीक्षा काळात केंद्र, उपकेंद्र व परीरक्षण केंद्र परिसरात मनाई आदेश लागू* पालघर (प्रतिनिधी)दि. 17 :- विभागीय सचिव, महाराष्ट्र राज्य माध्यमिक व उच्च माध्यमिक शिक्षण मंडळ, वाशी नवी मुंबई यांचेतर्फे दि.20/11/2020 ते दि.10/12/2020 या कालावधीमध्ये एच. एच.सी. (12 वी) व दि.20/11/2020 ते दि.05/12/2020 या कालावधीत एस.एस.सी. (10 वी) च्या पुरवणी परीक्षा घेण्यात येणार आहेत. पालघर जिल्हयात इयत्ता 12 वी च्या (03 परीक्षा केंद्रावर) व इयत्ता 10 वी च्या (05 परीक्षा केंद्रावर) परीक्षा घेण्यात येणार असून 04 परीरक्षण कंद्रे आहेत.
उपरोक्त परीक्षा कालावधीमध्ये परीरक्षण केंद्र, परीक्षा केंद्र/उपकेंद्र व परीसरात काही असामाजिक तत्वे परीक्षा प्रक्रियेत गैर व्यवहार व बाधा निर्माण करण्याची शक्यता नाकारता येत नाही. तसेच परीक्षा केंद्राच्या परीसरातील झेरॉक्स सेंटर, फॅक्स सेंटर, टेलीफोन बुथ, कम्युनिकेशन सेंटर या ठिकाणाहून गैरप्रकार होण्याची शक्यता असून बेकायदेशीर जमाव जमून सार्वजनिक मालमत्तेचे नुकसान अगर शांतता भंग होण्याची शक्यता नाकारता येत नाही. करीता या अप्रक्रियांना प्रतिबंध घालणे जरूरीचे आहे.
फौजदारी प्रक्रीया संहिता 1973 चे कलम 144 (1) (2) (3) अन्वये पालघर जिल्हयातील दि.20/11/2020 ते दि.10/12/2020 या कालावधीमध्ये एच.एच.सी. (12 वी) व दि.20/112020 ते दि.05/12/2020 या कालावधीमध्ये एस.एस.सी. (10 वी) च्या पुरवणी परीक्षेच्या दिवशी परीक्षा केंद्र, उपकेंद्र व परीरक्षण केंद्र यांच्या सभोवताली 100 मीटर परिसरात परीक्षा प्रक्रियेशी संबंधीत विभागांचे अधिकारी व कर्मचारी, पोलीस अधिकारी व अंमलदार, तसेच अंध व अपंग परीक्षार्थी यांचे बरोबर आलेले नातेवाईकांखेरीज इतर बेकायदेशीर जमावास फौजदारी प्रक्रिया संहिता 1973 चे कलम (ARP) अन्वये दि.20/11/2020 रोजी 00-00 वा. पासून ते दिनांक 10/12/2020 रोजीचे 24.00 वाजेपर्यंतच्या कालावधीत परीक्षा केंद्रावर व उपकेंद्राच्या ठिकाणी परीक्षेच्या वेळापत्रकाप्रमाणे तसेच परिरक्षण केंद्राच्या ठिकाणी पूर्ण कालावधीकरीता प्रवेश करण्यास मनाई आदेश लागू करीत आहे.
No comments:
Post a Comment