*"माझे कुटुंब माझी जबाबदारी" मोहिमेच्या पहिल्या टप्प्यात आशांद्वारे जिल्ह्यातील ४१६१ व्यक्ती संदर्भित*

दि.१९/१०/२०२०

जि.प.पालघर

*"माझे कुटुंब माझी जबाबदारी" मोहिमेच्या पहिल्या टप्प्यात आशांद्वारे जिल्ह्यातील ४१६१ व्यक्ती संदर्भित*

  पालघर (प्रतिनिधी):-

 मुख्यमंत्री उद्धव ठाकरे यांच्या संकल्पनेतून साकारलेल्या माझे 'कुटुंब माझी जबाबदारी' या मोहिमेचा पहिला टप्पा १३ऑक्टोबर रोजी पूर्ण झाला असून पालघर जिल्ह्यातील 

 १९२०२६४ लोकसंख्येचा सर्वे करण्यात आला. यात ४७०४५९ घरांची   तपासणी करण्यात आलीं आहे. या सर्वे मध्ये सारी / आयएलआय लक्षणे (सर्दी, ताप लक्षणे) असलेल्या ३९७१ व्यक्ती आढळून आल्या. तर एसपीओ २ पातळी ९५ च्या कमी व्यक्ति ४७२ इतक्या आढळून आल्या आहेत.

२००१५ दिर्घकालीन आजार/कोमॉबीडीटी असलेल्या व्यक्तीआढळून आल्या.

सर्वेक्षणा दरम्यान आशाद्वारे संदर्भित व्यक्ति ४१६१ व्यक्तींना संदर्भित करण्यात आले. 

अशी आकडेकरी जिल्हा परिषद आरोग्य विभागाने आतापर्यंत पहिल्या टप्प्यातील सर्वेक्षणातून निश्चित केली आहे.

दि.१६ऑक्टोबर पासून या मोहिमेच्या दुसऱ्या टप्प्याला सुरवात झाली आहे.

या मोहिमेअंतर्गत जिल्हास्तरावर अनेक उपक्रम राबविण्यात आले.

    जिल्ह्यातील सर्व आमदार, जिल्हा परिषद अध्यक्ष,उपाध्यक्ष,सर्व  लोकप्रतिनिधींच्या  उपस्थितीत विविध ठिकाणी व तालुकास्तरीय शुभारंभ करण्यात आले.

त्यापूर्वी दि.१८ सप्टेंबर २०२० रोजी जिल्हाधिकारी व मुख्यकार्यकारी अधिकारी,

जिल्हा परिषद यांची संयुक्त पत्रकार परिषदतेच्या माध्यमातुन आवाहन करण्यात आले.

 कार्यक्रमाचा शुभारंभ तसेच जनजागृती उपक्रम राबविण्यात आले.

जिल्हास्तरावरून तालुकास्तरावर आरोग्य अधिकारी व आरोग्य केंद्राच्या वैद्यकीय अधिकारी यांना प्रशिक्षण देण्यात आले.

हॉटस्पॉट असलेल्या ठिकाणी कलापथकाव्दारे जनजागृतीकरण्यात आली.

वारली भाषेत Posters & Banners प्रसिध्द करण्यात आले.

वारली पेंटिंग द्वारे जनजागृती करणे,

जिल्हयातील सर्व शैक्षणिक संस्था यांच्याव्दारे e-learning क्लासच्या

माध्यमातुन विदयार्थ्यांमध्ये जनजागृती करणे,

रूग्णांच्या नातेवाईकांमध्ये जनजागृती होण्यासाठी Covid Care Centre

(CCC) मध्ये पोस्टर लावणे तसेच

Bank व ATM केंद्राच्या ठिकाणी Posters & Banners लावण्यात आले.

 तर तालुकास्तरावरील देखील अनेक वैविध्यपूर्ण उपक्रम राबविण्यात आले.

*वाडा* तालुक्यात"सिध्दिविनायक प्रोडक्शन" च्या सहकार्याने चित्रफित

(Short Film) प्रसारित करण्यात आली. महिला आर्थिक विकास

महामंडळ (माआविम) च्या माध्यमातुन जनजागृती व मास्कचे वाटप

करण्यात आले.

*पालघर*- मध्ये"उमेद" (महाराष्ट्र ग्रामिण जिवनोन्नती) माऊली महिला

ग्रामसंघ, भिमनगर व आरोग्य विभाग यांच्या द्वारे सन्माननिय

लोकप्रतिनिधींच्या उपस्थितीत जनजागृती व प्रभातफेरी काढण्यात

आल्या.

*विक्रमगड* दादडे येथे सन्माननिय अध्यक्ष जि.प. पालघर यांच्या

उपस्थितीत जनजागृती कार्यक्रमाचे आयोजन करण्यात आले व

जव्हार येथील कला पथकामार्फत पथनाटय सादर करण्यात आले.

*मोखाडा* तालुक्यात"समर्थ" कलापथकाच्या माध्यमातुन गावोगावी जावून

जनजागृती करण्यात आली.

*आशांद्वारे करण्यात आलेल्या सर्व्हेत ६३६५ व्यक्तींची त रॅपिड अँटीजन आणि RTPCR चाचणी करण्यात आली त्यात ६६९ कोव्हीड बाधित आढळून आल्या. या मोहिमेत सम्पूर्ण आरोग्य विभाग तसेच आशांचा  महत्वपूर्ण  सहभाग आहे.*